26.09.2026 | 20:38
Քաղաքացին ընկել է ջրհորը. նա հոսպիտալացվել է
Հեղափոխությունից հետո քաղաքացիների հույսերը մեծ մասով իրականացվել են. Արմեն Գրիգորյան. ՏԵՍԱՆՅՈՒԹ
Քաղաքականություն
06.02.2020 | 13:32
Կառավարության այսօրվա նիստից հետո լրագրողների հետ ճեպազրույցում ԱԽ քարտուղար Արմեն Գրիգորյանն անդրադառնալով հեղափոխությունից հետո քաղաքացիների հույսերը չարդարացնելու մասին հայտարարություններին, ասաց, որ քաղաքացիների հույսերը մեծավմասամբ արդարացվել են.
«Իհարկե, քաղաքացիներն ունեն պահանջներ, որոնք մենք դեռ չենք կարողացել արդարացնել, դրա համար հավելյալ ժամանակ է պետք: Բայց Հայաստանում կատարված բարեփոխումների ծավալը խոսում է այն մասին, որ Հայաստանում մեծ մասով կատարվել են քաղաքացիների ակնկալիքները: Ավելին՝ համոզված եմ, որ եղել են այնպիսի փոփոխություններ, որոնց քաղաքացիները չէին սպասում»:
Որպես վերոնշյալի օրինակ՝ Գրիգորյանը խոսեց 500 կմ ճանապարհ կառուցելու, ՍՈւ-եր, ՏՕՌ-եր ձեռք բերելու մասին՝ նշելով, որ 2018 թվականին դժվար թե քաղաքացիները նման բան ակնկալեին. «Մի կարևոր բանի մասին պետք է խոսել. իրողության փոփոխության հետ նաև քաղաքացիների պահանջներն են փոխվում: Երբ մենք կառուցել ենք 500 կմ ճանապարհ, դրանով քաղաքացիների ակնկալիքները չեն սպառվել, նոր ակնկալիքներ են ի հայտ եկել: Մենք պատրաստ ենք նշաձողի բարձրացմանը: Մենք հեղափոխության ակնկալիքները մեծ մասով արդարացրել ենք, իսկ այն մասով, որով չենք կարողացել, ժամանակի ընթացքում կանենք»:
Մանրամասները՝ տեսանյութում։
Լիլիթ Շաբոյան
