04.08.2026 | 22:42
Վերականգնվել է վթարի հետևանքով խափանված էլեկտրամատակարարումը․ ՏԿԵՆ
Ստամբուլի օդանավակայանում «Boeing» ինքնաթիռ է վթարի ենթարկվել. կան զոհեր
Քաղաքականություն
06.02.2020 | 12:16
Ստամբուլի Սաբիհա Գյոքչենի անվան օդանավակայանում «Boeing 737» ինքնաթիռի անհաջող վայրէջքի հետևանքով 3 մարդ է զոհվել. գրում է ermenihaber-ը:
Իզմիր-Ստանբուլ չվերթն իրականացնող թուրքական «Pegasus» ընկերության ինքնաթիռը կոշտ վայրէջքի պատճառով դուրս է եկել թռիչքուղուց և վթարվել՝ բաժանվելով 3 մասի: Ինքնաթիռում եղել է 183 մարդ, որոնցից 177-ը ուղևոր, իսկ 6-ը՝ անձնակազմի անդամներ:
Թուրքիայի առողջապահության նախարարի տեղեկացմամբ՝ վթարի հետևանքով զոհվել է 3 հոգի, հիվանդանոց են դիմել 179 հոգի: Ըստ նախարարի՝ հիվանդանոց տեղափոխվածների մեծ մասի մոտ լուրջ վնասվածքներ չկան: Նախարարը նաև նշել է, որ 2 հոգի գտնվում են վերակենդանացման բաժանմունքում։
Վթարից հետո Թուրքիայի քաղավիացիայի հրահանգով Սաբիհա Գյոքչեն օդանավակայանում թռիչքները դադարեցվել են և նախատեսված բոլոր վայրէջքներն ուղղորդվել են դեպի Ստամբուլի օդանավակայան:
