Արմեն Գևորգյանի պաշտպանը միջնորդեց նրա նկատմամբ քրեական հետապնդումը դադարեցնել. ՏԵՍԱՆՅՈՒԹ

Ռոբերտ Քոչարյանի և մյուսների գործով դատական նիստին ամբաստանյալներից Արմեն Գևորգյանի պաշտպան Էրիկ Ալեքսանյանը հանդես եկավ Գրիգորյանի նկատմամբ քրեական հետապնդումը դադարեցնելու վերաբերյալ միջնորդությամբ․ «Գտնում ենք, որ անհրաժեշտ է Արմեն Գևորգյանի նկատմամբ ՀՀ քրեական օրենսգրքի 38-300.1 հոդվածի 1-ին մասով և 311-րդ հոդվածի 4-րդ մասի 2-րդ կետով հարուցված քրեական հետապնդումը դադարեցնել հանցակազմի բացակայության հիմքով»։

Միջնորդության մեջ մասնավորապես ասվում է․ «Դատարանի ուշադրությունն ենք ցանկանում հրավիրել այն հանգամանքի վրա, որ ՀՀ քրեական օրենսգրքի 300-րդ հոդվածի փոփոխությամբ հստակեցվեց Սահմանադրական կարգի այն հիմունքները (1-ից 6-րդ հոդվածները), որոնց դեմ ոտնձգությունը կարող է համարվել սահմանադրական կարգի տապալում: Դրան զուգահեռ՝ օրենսդրական փոփոխության հետևանքով սահմանադրական կարգի տապալումը կտրվեց իշխանությունը յուրացնելու հանցակազմից և վերացվեց սահմանադրական կարգը բռնությամբ տապալելու եղանակը, որի պայմաններում էապես փոխվեց նոր հանցակազմի էությունը, այն ընդգրկեց գործողության այն աստիճանի լայն շրջանակ, որը վտանգում է այս հանցակազմի իրավական որոշակիությունը: Փաստացի ՀՀ քրեական օրենսգրքի 300.1-րդ հոդվածի՝ հակասահմանադրականության աստիճանի իրավական անորոշությունը պայմանավորված է երեք փոխկապակցված գործոնով՝

Ա. սահմանադրական կարգի տապալումը իշխանությունը յուրացնելու հանցակազմի կոնտեքստից կտրելը.

Բ. սահմանադրական կարգը տապալելու բռնի եղանակը վերացնելը և դրանով իսկ կատարման եղանակներն ընդլայնելը.

Գ. ՀՀ քրեական օրենսգրքի 300.1-րդ բլանկետային դիսպոզիցիայում թվարկված 2005թ. Սահմանադրության կոնկրետ հոդվածները 2015թ. խմբագրությամբ Սահմանադրությանը չհամապատասխանեցնելը»:

Մանրամասները՝ տեսանյութում։

Լիլիթ Շաբոյան