01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
457 այցելուից 18-ի մոտ կրծքագեղձի քաղցկեղ է հայտնաբերվել․ «Հայ-ամերիկյան առողջության կենտրոնի» տնօրեն
Հասարակություն
03.02.2020 | 19:04
Հայ-ամերիկյան առողջության կենտրոնում այս շաբաթվա ընթացքում 475 այցելուից 18-ի մոտ հայտնաբերվել է կրծքագեղձի քաղցկեղ, իսկ 6-ի մոտ՝ քաղցկեղի կասկած։ Այս մասին այսօր՝ Քաղցկեղի դեմ պայքարի միջազգային օրվան ընդառաջ լրագրողների հետ հանդիպմանն ասաց «Հայ-ամերիկյան առողջության կենտրոնի» տնօրեն Խաչանուշ Հակոբյանը:
«21-րդ դարում քաղցկեղն այլևս դատավճիռ չէ, ոչ մեկ իրավունք չունի այս հիվանդությունից վախենալ։ Ժամանակակից բժշկությունը գտնում է, որ քաղցկեղի հետ պայքարի ամենահեշտ և մատչելի մեթոդը կանխարգելումն է։ Ժամանակին բժշկի գնալը մեզ համար պետք է ոսկե կանոն դարձնենք»,- ասաց Հակոբյանը։
Ըստ նրա` կրծքագեղձի քաղցկեղից հետո ավելի հաճախ հանդիպողը արգանդի վզիկի քաղցկեղն է։
«Հատկապես կրծքագեղձի քաղցկեղի առաջացման հիմնական պատճառը գենետիկ գործոնն է, ապա սթրեսները: Պետք է ասեմ, որ քաղաքացիները տարեցտարի առավել իրազեկ են դառնում քաղցկեղ հիվանդության մասին և կարևորում են հետազոտվելու գործընթացը:Երբ հիվանդությունը հայտնաբերում ենք նախաքաղցկեղային փուլում, սա նշանակում է գրեթե 100 տոկոսանոց առողջացում։ Կանանց խորհուրդ ենք տալիս տարեկան մեկ անգամ հետազոտություն անցել։ 1997 թվականին, երբ մեր կենտրոնը սկսեց աշխատել, ամաչում, խուսափում կամ ուղղակի չէին խոսում քաղցկեղի մասին։ Պետք է ասեմ, որ հիմա այցելուների մեծ հոսք ունենք․ օրական մինիմում՝ 200 հոգի»,- նշեց Խաչանուշ Հակոբյանը:
Նելլի Մելքոնյան
