15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
Բանակցային գործընթացի շրջանակում տեղեկատվության սակավություն կա. Արման Աբովյան. ՏԵՍԱՆՅՈՒԹ
Քաղաքականություն
31.01.2020 | 16:17
Արցախի հիմնախնդիրը հայ ժողովուրդը լուծել է։ Այսօր Factor.am-ի հետ զրույցում նման համոզմունք հայտնեց Ազգային ժողովի «Բարգավաճ Հայաստան» խմբակցության քարտուղար Արման Աբովյանը՝ շեշտելով, որ այս իրավիճակում մնում է միայն, որպեսզի միջազգային հանրությունը ճանաչի Արցախի անկախությունը։
Սակայն ներկայիս բանակցային գործընթացում, ըստ Աբովյանի՝ մի շարք հարցականներ կան։ Դրանցից մեկը հետևյալն է․ ո՞ր փուլում է Արցախի ներգրավվածությունը բանակցային գործընթացի մեջ, ի՞նչ է կատարվում։
Պատգամավորը կարծում է՝ բանակցային գործընթացի շրջանակում տեղեկատվության սակավություն կա։ Պարզ է, որ գաղտնիության և այլ հարցերից ելնելով՝ ամեն ինչ հնարավոր չէ հրապարակել, բայց, այնուամենայնիվ, պետք է որոշակի հստակություն մտցվի գործընթացում և հանրությանը տեղեկատվություն տրվի։ Պատասխանելով հարցին, թե ի՞նչ տեսակետ ունի պատգամավորը վարչապետի այն հայտարարության վերաբերյալ, որ նախկին իշխանության օրոք Արցախի տարածքների հանձնման հարց է եղել, Աբովյանն ասաց, որ պետք է փաստեր ներկայացնել, և եթե հստակեցում է արվում՝ պետք է դա մինչև վերջ անել։
Մյուս կողմից նա վստահ է՝ ոչ ոք իրավունք չունի տարածքների հանձնումից խոսելու։
Մանրամասները՝ տեսանյութում:
Մերի Մարտիրոսյան
