03.03.2026 | 22:23
Ֆրանսիան Rafale կործանիչներ է տեղակայել ԱՄԷ-ի երկնքում, նախատեսում է ԱԹՍ-ների դեմ պայքարի համակարգեր ուղարկել Կիպրոս
Առողջապահության համաշխարհային կազմակերպությունը կորոնավիրուսն առողջության գլոբալ սպառնալիք է համարել
31.01.2020 | 10:00
Առողջապահության համաշխարհային կազմակերպությունը կորոնավիրուսի կապակցությամբ համաշխարհային արտակարգ դրություն է հայտարարել և վարակը գլոբալ առողջապահական սպառնալիք համարել, քանի որ վիրուսը շարունակում է տարածվել Չինաստանի սահմաններից դուրս: Այս մասին հայտնում է BBC-ն:
«Այս հայտարարության հիմնական պատճառը ոչ թե այն է, ինչ տեղի է ունենում Չինաստանում, այլ այն, ինչ կատարվում է այլ երկրներում: Մտահոգությունն այն է, որ այն կարող է տարածվել ավելի ցածր առողջապահական համակարգ ունեցող երկրներում»,- նշել է ԱՀԿ ղեկավար Թեդրոս Ադհանոմ Գեբրեյեսուսը:
ԱՀԿ-ի տվյալներով՝ Չինաստանի սահմաններից դուրս 18 նահանգում վարակի 98 դեպք է գրանցվել, բարեբախտաբար՝ առանց մահվան ելքերի: Դեպքերի մեծ մասը տեղի է ունեցել այն մարդկանց մոտ, ովքեր ճամփորդել են Չինաստանի Ուհան քաղաքից:
Հիշեցնենք, որ Չինաստանի Ուհան քաղաքում բռնկված կորոնավիրուսով վարակվածների թիվը 7700-ի է հասել, զոհերինը՝ 170-ի:
