17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Տուբերկուլոզի դեմ պայքարի ազգային կենտրոն» այլևս չի լինի. նոր կառույց է ստեղծվում
Հասարակություն
29.01.2020 | 18:43
«Տուբերկուլոզի դեմ պայքարի ազգային կենտրոն» ՊՈԱԿ-ը լուծարվում է, իսկ փոխարենը ստեղծվում է «Թոքաբանության ազգային կենտրոն» ՊՈԱԿ-ը:
Համապատասխան նախագիծը շրջանառության մեջ դրել է Առողջապահության նախարարությունը: Նախագիծն ընդգրկված է կառավարության նիստի օրակարգ:
Նախագծում որպես հիմնավորում նշվում է, որ «Տուբերկուլոզի դեմ պայքարի ազգային կենտրոնում» վերջին տարիներին ախտորոշվել և բուժվել են թոքային այլ հիվանդություններ, ինչպես նաև Հայաստանում տուբերկուլոզի հիվանդացությունը նվազել է մոտ 27 անգամ:
Ծրագրվում է հանրապետությունում իրականացնել հիվանդակենտրոն հակատուբերկուլոզային բուժում` առավելագույնս մոտեցնելով այն պացիենտի բնակավայրին, այսինքն` տեղամասային ֆիզիատորի հսկողության ներքո:
Հիշեցնենք, որ Առողջապահության նախարարությունը քննարկում էր դադարեցնել նաև հանրապետության մի շարք քաղաքներում հակատուբերկուլոզային ստացիոնար բաժանմունքների գործունեությունը:
Նարեկ Կիրակոսյան
