26.09.2026 | 20:38
Քաղաքացին ընկել է ջրհորը. նա հոսպիտալացվել է
Չինաստանում նոր կորոնավիրուսով հիվանդների թիվը հասել է 617-ի. չինական երկու քաղաք մեկուսացվել է
Քաղաքականություն
23.01.2020 | 19:36
Չինաստանում 2019-nCoV կորոնավիրուսով վարակվածների թիվը հասել է 617-ի: Այս մասին գրում է Regnum-ը՝ վկայակոչելով Չինաստանի շրջաններում հիգիենայի և առողջապահության հարցերի հանձնաժողովների հրապարակած տեղեկությունները:
Նշվում է, որ հիվանդացության ամենամեծ թիվը գրանցվել է կենտրոնական Հուբեյ նահանգում. այստեղ 444 մարդ է հիվանդացել: Նշենք, որ այս նահանգի վարչական կենտրոնն է Ուհան քաղաքը, որտեղ առաջին անգամ բացահայտվել է այս հիվանդությունը: Այստեղ են գրանցվել նաև կորոնավիրուսի նոր շտամի հետևանքով 17 մահերը:
Հուբեյից բացի՝ 32 հիվանդ կա Գուանդուն նահանգում, 27 հիվանդ՝ Չժենցզյան քաղաքում, 16 հաստատված և 22 ենթադրյալ դեպք՝ Շանհայում, 14-ը՝ Պեկինում:
Միաժամանակ, չինական երկու քաղաք մեկուսացվել է: Ուհանից բացի, որտեղից սկսել է տարածվել հիվանդությունը, այսօր դադարեցվել է Հուանգան քաղաքի հասարակական տրանսպորտի աշխատանքը, ինչպես նաև երկաթուղային հաղորդակցությունը:
Քաղաքում պետք է չեղարկվել բոլոր զանգվածային միջոցառումները, դադարեցնեն կենտրոնական շուկայի աշխատանքը: Տեղի իշխանությունները բնակիչներին խորհուրդ են տվել, առանց հատուկ անհրաժեշտության, չհեռանալ քաղաքից:
