19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Նպաստ ստանալու 30 բալը դառնում է 28. Նիկոլ Փաշինյան. ՏԵՍԱՆՅՈՒԹ
Հասարակություն
23.01.2020 | 12:36
Ձգտել շարունակել մնալ նպաստի համակարգում, նշանակում է՝ ձգտել շարունակել մնալ աղքատ ընտանիքի կարգավիճակում: Այս մասին Կառավարության նիստի ժամանակ հայտարարեց ՀՀ վարչապետ Նիկոլ Փաշինյանը:
Կառավարության այսօրվա նիստում որոշում կայացվեց նպաստի համար անհրաժեշտ միավորները 30-ից դարձնել 28: Սրա շնորհիվ, ըստ աշխատանքի և սոցիալական հարցերի նախարար Զարուհի Բաթոյանի, համակարգ մուտք կգործի շուրջ հազար ընտանիք:
Վարչապետն էլ նշեց, որ թոշակի ավելացման հաշվին ընտանիքների անապահովվածության միավորները նվազել են, և նրանք դուրս են մնացել նպաստի համակարգից: Փոփոխման նպատակը 11 հազար ընտանիքների պարագայում նպաստի համակարգը պահպանելն է:
«Կարծում եմ՝ սա ճիշտ որոշում է, որովհետև մենք նպաստի գործող համակարգի նկատմամբ բացասական վերաբերմունք ենք դրսևորում, բայց մեր նախանշվող բարեփոխումներից առաջ շատ կարևոր է, որ այս քայլերով այս անցումային ժամանակահատվածում հնարավորություն տանք, որ ոչ միայն նպաստառու ընտանիքները, այլև ևս հազար ընտանիք ադապտացիոն մի շրջան անցնեն: Մեր նպաստառու ընտանիքներին մեր կոչը հետևյալն է՝ նպաստով երբեք ոչ մի ընտանիք աղքատությունը չի հաղթահարելու: Ձգտել շարունակել մնալ նպաստի համակարգում, նշանակում է՝ ձգտել շարունակել մնալ աղքատ ընտանիքի կարգավիճակում: Մենք ասում ենք, որ այն ընտանիքները, որոնց անդամներն աշխատունակ են, նրանց համար աղքատությունը հաղթահարելու մի ճանապարհ կա՝ աշխատանքը, որի համար պետք է ստեղծել բոլոր պայմանները»,- ասաց Նիկոլ Փաշինյանը:
Մանրամասները՝ տեսանյութում:
Նարեկ Կիրակոսյան
