28.11.2024 | 20:38
Միրզոյանը և Ֆինլանդիայի նախագահը մտքեր են փոխանակել տարածաշրջանային հարցերի շուրջ
Պորոշենկոյին հարկադրաբար հարցաքննության կտանեն
Քաղաքականություն
21.01.2020 | 17:55
Ուկրաինայի նախկին նախագահ Պյոտր Պորոշենկոն առանց հարգելի պատճառի երեքշաբթի չի ներկայացել Հետաքննությունների պետական բյուրո (ՀՊԲ): Արդյունքում Բյուրոյի քննիչ Օլոգ Կորեցկին հայտարարել է նախկին նախագահին հարկադրաբար հարցաքննության բերելու մասին, գրում է ՏԱՍՍ-ը:
«Նշվել էր որպես վկա այսօր ժամը 10:30-ին հարցաքննության ներկայանալու անհրաժեշտության մասին: Սակայն նա առանց հարգելի պատճառների, չհաղորդելով որևէ պատճառի մասին, այսօր չի ներկայացել հարցաքննության: Համապատասխանաբար, քննիչները ներկայում անհրաժեշտ փաստաթղթերն են նախապատրաստում՝ Պորոշենկոյին հարկադրաբար հարցաքննության ներկայացնելու համար»,- ասել է Կորեցկին:
Նշենք, որ Ուկրաինայի նախկին նախագահն արդեն 27 անգամ ծանուցում ստանալուց հետո չի ներկայացել հարցաքննության:
Պյոտր Պորոշենկոն անցնում է 16 քրեական գործով, որոնք նախաքննության տարբեր փուլում են: Նրան մեղադրում են պետական դավաճանության, ծառայողական դիրքը չարաշահելու, հանցավոր եկամուտներն օրինականացնելու, հարկեր չվճարելու, դատական իշխանությունը յուրացնելու փորձի հոդվածներով: Նրա նկատմամբ հետաքննությունն է սկսվել նաև «2016 թվականին Ռադայում կոալիցիայի բացակայության պայմաններում ապօրիաբար Ուկրաինայի նախարարների կաբինետ նշանակելու» գործով:
