28.11.2024 | 20:38
Միրզոյանը և Ֆինլանդիայի նախագահը մտքեր են փոխանակել տարածաշրջանային հարցերի շուրջ
Վլադիմիր Պուտինը սահմանադրական բարեփոխումների օրինագիծը Պետդումա է ներկայացրել
Քաղաքականություն
20.01.2020 | 20:08
ՌԴ նախագահ Վլադիմիր Պուտինը սահմանադրական բարեփոխումների վերաբերյալ օրինագիծը Պետդումա է ներկայացրել։ Օրինագծի դիտարկման ժամանակ ՌԴ նախագահի ներկայացուցիչները կլինեն սահմանադրական հանձնաժողովի համանախագահներ Անդրեյ Կլիշասը, Պավել Կրաշենիննիկովը և Տալիյա Խաբրիևան: Այս մասին հայտնում է ՌԻԱ Նովոստին՝ հղում անելով ՌԴ նախագահի մամուլի քարտուղար Դմիտրի Պեսկովին։
Պետդումայի տվյալներով՝ սահմանադրական բարեփոխումները ներառում են նվազագույն աշխատավարձի չափը, Ռուսաստանի նախագահի թեկնածուների հանդեպ պահանջների խստացումը, իշխանության ճյուղերի միջև լիազորությունների վերաբաշխումը: Պուտինը նաև առաջարկել է վարչապետի և կառավարության անդամների թեկնածությունների հաստատումը նախագահից Պետդումային փոխանցել, ինչպես նաև արգելել միևնույն անձի կողմից ՌԴ նախագահի պաշտոնը երկու ժամկետից ավելի զբաղեցնելու հնարավորությունը։
Բարեփոխումների վերաբերյալ հատուկ առաջարկներ պատրաստելու համար 75 հոգանոց աշխատանքային հանձնաժողով է ստեղծվել, որի կազմի մեջ ընդգրկված են քաղաքական գործիչներ, օրենսդիրներ, գիտնականներ ու հասարակական գործիչներ:
Պետդումայի հանձնաժողովը նախագահի օրինագիծը կքննարկի հունվարի 21-ի նիստին:
