22.05.2026 | 11:08
«Բոլորին դեմ եմ» կուսակցության «բոչկա գլորելու» ակցիան Ազատության հրապարակում. ՈՒՂԻՂ
ԲՀԿ-ից Գևորգ Պետրոսյանը կընդգրկվի Սահմանադրական փոփոխությունների հանձնաժողովում
Քաղաքականություն
20.01.2020 | 15:39
Սահմանադրական փոփոխությունների հանձնաժողովում «Բարգավաճ Հայաստան» խմբակցությունը ներկայացնելու է ԱԺ պատգամավոր Գևորգ Պետրոսյանը։
Տեղեկությունը Factor.am-ի հետ զրույցում փոխանցեց «Բարգավաճ Հայաստան» խմբակցության քարտուղար Արման Աբովյանը։
Այսօր «Լուսավոր Հայաստան» խմբակցությունը հայտնել էր, որ ԼՀԿ-ից ներգրավված է լինելու պատգամավոր Տարոն Սիմոնյանը։
Իշխող «Իմ քայլը» խմբակցության ներկայացուցչի անունը դեռ հայտնի չէ։ Խմբակցության ղեկավար Լիլիթ Մակունցը նշեց, որ հավանաբար, պետաիրավական հանձնաժողովի անդամներից մեկը կլինի։
Սահմանադրական փոփոխությունների հանձնաժողովում ընդգրկված են լինելու նաև արդարադատության նախարարը, գիտնական-սահմանադրագետներ, ՀԿ ոլորտի ներկայացուցիչ։
Նարեկ Կիրակոսյան
