17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Իրանի գերագույն հոգևոր առաջնորդը պաշտպանում է երկրի հեղափոխական պահակազորին
Քաղաքականություն
19.01.2020 | 13:14
Իրանի հոգևոր գերագույն առաջնորդ Այաթոլլահ Ալի Խամենեին պաշտպանում է երկրի զինված ուժերին. գրում է amerikayidzayn.com-ը:
Ուկրաինական մարդատար օդանավը սխալմամբ կործանելու դեպքի առնչությամբ իր ելույթում հոգևոր առաջնորդն ասել է, թե Հեղափոխական պահակազորը «պահպանել է Իրանի անվտանգությունը»: Օդանավը խոցելուց հետո Իրանում սկսված բողոքի ցույցերից հետո, Թեհրանում անցկացված զանգվածային աղոթքի ժամանակ այաթոլլան հանդես է եկել «ազգային միասնության կոչով» և հայտարարել, թե Իրանի «թշնամիները և նրա դաշնակիցները» օդանավի կործանման փաստն օգտագործում են գեներալ Ղասեմ Սոլեյմանիի սպանությունից ուշադրությունը շեղելու նպատակով:
«Մեր թշնամիներն այնքան ուրախ են, որքան մենք` տխուր», ասել է Այաթոլլահ Ալի Խամենեին 2012 թվականից ի վեր առաջին անգամ իր կողմից անցկացված զանգվածային աղոթքի ժամանակ:
Իր ելույթում Խամենեին ԱՄՆ-ի նախագահ Դոնալդ Թրամփի վարչակազմն անվանել է «չարք», Թրամփին` «ծաղրածու»:
Նա կեղծ խոսքեր է համարում Իրանի ժողովրդին աջակցելու մասին Վաշինգտոնի հայտարարությունը ու ավելացնում, որ Միացյալ Նահանգները իր համար հարմար պահի կարող է «թունավոր սրով խոցել Իրանի ժողովրդին»:
Նրա խոսքերով, Իրաքում ամերիկյան բազաները խոցած հրթիռները «ապտակ էին ԱՄՆ-ի դեմքին»: Ղուդիս ուժերը, որոնց ԱՄՆ-ը համարում է ահաբեկչական, Իրանի հոգևոր առաջնորդը անվանում է «մարդասիրական կազմակերպություն», իսկ Սոլեյմանիի հուղարկավորութունը` «շրջադարձային կետ` Իրանի պատմության մեջ»:
