26.09.2026 | 20:38
Քաղաքացին ընկել է ջրհորը. նա հոսպիտալացվել է
«Սա լուրջ կորուստ է». Արարատ Միրզոյանը՝ Գեորգի Կուտոյանի մահվան մասին. ՏԵՍԱՆՅՈՒԹ
Քաղաքականություն
18.01.2020 | 16:23
ԱԱԾ նախկին ղեկավարի մասին ենք խոսում, բոլոր վարկածները կարող ենք դիտարկել, դեռ ոչ մի բան հստակ չէ: Այս մասին լրագրողների հետ զրույցում ասաց ԱԺ նախագահ Արարատ Միրզոյանն՝ անդրադառնալով ԱԱԾ նախկին տնօրեն Գեորգի Կուտոյանի մահվան դեպքին:
«Ես ուզում եմ շեշտել, որ ՔԿ-ն դեռ ուսումնասիրում է հանգամանքները, դեռ ամբողջությամբ հանգամանքները ուսումնասիրված չեն»,- ասաց նա:
Լրագրողի դիտարկմանը, որ նա և վարչապետ Նիկոլ Փաշինյանը չեն անդրադարձել դեպքին, Արարատ Միրզոյանը մեկնաբանեց. «Չեմ հասցրել, բայց սա չի նշանակում որևէ այլ վերաբերմունքի դրսևորում: Ես այժմ իմ ցավակցություններն եմ հայտնում Գեորգի Կուտոյանի մահվան կապակցությամբ, սա լուրջ կորուստ է: Այստեղ որևէ միտում տեսնելու առիթ չկա: Մարդ է զոհվել, հայ մարդ է զոհվել, մարդ, որը նախկինում բարձր պաշտոն է զբաղեցել»:
Հիշեցնենք, որ Երևան քաղաքի Պարույր Սևակի փողոցի բնակարաններից մեկում հայտնաբերվել էր ԱԱԾ նախկին պետ Գեորգի Կուտոյանի դին՝ հրազենային վիրավորումով:
Մանրամասները՝ տեսանյութում:
Նարեկ Կիրակոսյան
