17.09.2026 | 23:38
Սամվել Կարապետյանի տնային կալանքը երկարաձգվել է
Անչափահաս վարորդն ու ուղևորը հիվանդանոց տեղափոխվելու ճանապարհին մահացել են
Հասարակություն
18.01.2020 | 13:14
Երևան-Երասխ ճանապարհի 34-րդ կմ-ին տեղի ունեցած ճանապարհատրանսպորտային պատահարի հետևանքով անչափահաս վարորդն ու ուղևորը հիվանդանոց տեղափոխվելու ճանապարհին մահացել են. այս մասին տեղեկացնում են ՀՀ ոստիկանության հասարակայնության հետ կապերի և լրատվության վարչությունից:
Դեպքը տեղի է ունեցել հունվարի 17-ին, ժամը 17.35-ի սահմաններում: 17-ամյա երիտասարդի վարած «Օպել Աստրա» ավտոմեքենան դուրս է եկել երթևեկելի գոտուց և բախվել ճամփաբաժանին գտնվող գովազդային վահանակի սյանը։ Վթարի արդյունքում վարորդը՝ Հայկ Սարգսյանն ու նրա 17-ամյա ուղևոր Աշոտ Բաբայանը հիվանդանոց տեղափոխվելու ճանապարհին մահացել են:
Կատարվում է քննություն։
