07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Տաթևիկ Ռևազյանը սրճարանում աշխատած գումարը կրկնապատկել է ու փոխանցել 6-ամյա երեխայի բուժմանը
Հասարակություն
18.01.2020 | 12:22
Քաղավիացիայի կոմիտեի նախագահ Տաթևիկ Ռևազյանը սրճարանում բարեգործական նպատակով որպես մատուցողուհի աշխատելու ընթացքում հավաքած գումարը կրկնապատկել է:Այս մասին նա տեղեկացրել է ֆեյսբուքի իր էջում արված գրառմամբ: Գումարն ուղղվել է 6-ամյա Տիգրան Ամիրխանյանի բուժմանը, որը պայքարում է քաղցկեղի դեմ:
«Տարիներ շարունակ ես մեծ սիրով ներգրավված եմ եղել կամավորական աշխատանքներում ստանալով գերագույն հաճույք իմ աշխատանքից և առաջարկում եմ բոլորին նույնպես կամավորական գործունեություն ծավալել: Ինչպես գիտեք, երեկ ես աշխատել եմ որպես մատուցող Երևանի կենտրոնում գտնվող «ROOMZ» սրճարանում: «Մենք ենք» հիմնադրամի կողմից կազմակերպված ակցիայի նպատակն էր ստացված թեյավճարներն ուղղել 6-ամյա Տիգրան Ամիրխանյանի բուժմանը: Բարեգործական ակցիայի շրջանակներում հաջողվել է հավաքել 335.000 դրամ։ Նաև նշեմ, որ 2019 թվականին լուսանկարիչ Վաղինակ Ղազարյանը մասնակցել է «Թվապատում 2019» լրագրողական մրցույթին և «Homo Agendi (Գործող անձ)» գլխավոր անվանակարգում լավագույնը ճանաչվել «Տաթևիկ» նյութի համար։ Տվյալ մրցույթի շրջանակներում «Մեդիա նախաձեռնությունների կենտրոն»-ը ինձ շնորհել է 300.000 դրամ, որն իմ ցանկությամբ նույնպես ուղղվել է Տիգրան Ամիրխանյանի բուժմանը: Այն մարդիկ, ովքեր ցանկանում են օժանդակել փոքրիկ Տիգրանի բուժմանը, կարող են գումարներ փոխանցել «Մենք ենք» բարեգործական, սոցիալական հիմնադրամին: Գումար փոխանցելուց անհրաժեշտ է նշել նպատակը՝ «Գումարի փոխանցում Տիգրան Ամիրխանյանի բուժմանը»: Տիգրանի բուժման ամբողջ ծախսերը ամբողջապես հոգալու դեպքում հավելյալ գումարը կփոխանցվի այլ փոքրիկների բուժմանը»,-գրել է Տաթևիկ Ռևազյանը:
