03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Սեռական հանցագործությունների թիվն անցած մեկ տարում աճել է․ զոհերի թվում կան մանկահասակ երեխաներ
19.10.2017 | 17:27
Սեռական բռնություններն անցած մեկ տարում աճել են։ ՀՀ Քննչական կոմտեի և «Սեռական բռնության ճգնաժամային կենտրոն» ՀԿ-ի համատեղ հետազոտության տվյալներով՝ սեռական ազատության դեմ ուղղված հանցագործությունները 2015 թվականին 131-ն էին, իսկ 2016 թվականին՝ 26 դեպքով ավելացել են՝ դառնալով 157-ը։
Սեռական հանցագործություններից ամենաշատը տուժել են իգական սեռի ներկայացուցիչները՝ 2016 թվականին սեռական հանցագործությունների զոհ դարձած 162 անձանցից 151-ը կանայք են։ Հանցագործությունների թվով առաջատար են մարզերը, զոհերի թվերով ամենշատն «աչքի է ընկնում» Արմավիրի մարզը։
Անչահափաս տուժողների թիվը ևս մեկ տարվա ընթացքում աճել է՝ 2015 թվականին գրանցվել է 76 դեպք, որից 56-ն աշակերտներ։ Իսկ 2016 թվանականին՝ 115 դեպք, աշակերտների թիվը 53-ն է։ Սեռական բռնությունների ենթարկվածների թվում կան նաև մանկահասակ երեխաներ։ Ըստ 2015 թվականի տվյալների՝ սեռական հանցագործությունների ամենափոքր զոհը եղել է 4 տարեկան, իսկ 2016 թվականին՝ 5 տարեկան։ Հայաստանում գրանցված 157 քրեական դեպքերից կարճվել է 45-ը, 30-ը դեռևս ընթացքում է, իսկ 17-ը կասեցվել է։
Լիլիթ Շաբոյան
