Էրդողանի վարկանիշը նվազում է. հաջորդ ընտրությունների արդյունքում  իշխանությունը Թուրքիայում կարող է փոխվել

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Թուրքիայի նախագահ Ռեջեփ Թայիփ Էրդողանի վարկանիշը երկրում գնալով նվազում է: Այս մասին են վկայում Թուրքիայում անցկացված մի շարք սոցիոլոգիական հարցումները, որոնց արդյունքները թույլ են տալիս ենթադրել, որ հաջորդ նախագահական ընտրություններում Էրդողանը կունենա լուրջ մրցակիցներ ու խնդիրներ։

Մասնավորապես, թուրքական լրատվամիջոցները հրապարակել են «Artıbir» սոցիոլոգիական հետազոտությունների կենտրոնի կողմից Թուրքիայի քաղաքացիների շրջանում անցկացված «Ո՞ւմ օգտին կքվեարկեիք, եթե նախագահական ընտրությունները լինեին այս կիրակի» հարցման տվյալները։ Հարցվածների 45.4 տոկոսը ձայնը տվել է նախագահ Էրդողանին, իսկ 34.6 տոկոսը նախընտրել է Ստամբուլի գործող քաղաքապետ Էքրեմ Իմամօղլուին։

Metropoll հետազոտական ընկերության՝ ավելի վաղ անցկացրած հարցման  համաձայն էլ՝ Էրդողանի գործողություններն այնքան էլ մեծ հավանության չեն արժանանում բնակչության կողմից։ Վերջին 3 ամիսների ընթացքում Էրդողանը կորցրել է այն աջակցությունը, որը ստացել էր հոկտեմբերին՝ Սիրիա թուրքական զորքի ներխուժումից հետո: Էրդողանի վստահության վարկանիշը կտրուկ նվազել է՝ հասնելով 43.7 տոկոսի։

Ընդհանուր առմամբ, իշխող «Արդարություն ու զարգացում» կուսակցության, ինչպես  նաև նրա առաջնորդ Էրդողանի վարկանիշը նվազում է, որի վրա հիմնվելով՝ տարբեր փորձագետներ նշում են, որ հաջորդ ընտրություններում իշխող ուժի համար մեծ դժվարություններ են սպասվում։

Էրդողանի հիմնական մրցակիցներից է ոչ միայն Ստամբուլի քաղաքապետ, ընդդիմադիր գործիչ Էքրեմ Իմամօղլուն, այլև նրա նախկին կուսակիցներն ու ընկերները՝ նախկին վարչապետ, նախկին ԱԳ նախարար Ահմեդ Դավիթօղլուն, նախկին նախագահ, փոխվարչապետ Ալի Բաբաջանը, նախկին նախագահ Աբդուլլահ Գյուլը, որոնք հեռացել են իշխող կուսակցությունից ու ստեղծում են նոր կուսակցություններ:

Ահմեդ Դավիթօղլուն ստեղծել է «Ապագա» կուսակցությունը, որն արդեն սկսել է գործունեությունը, իսկ Բաբաջանի ու Գյուլի համատեղ կուսակցության ստեղծման աշխատանքները շարունակվում են։

Մասնավորապես, թուրքական «Hurriyet» թերթի վերլուծաբան Աբդուլքադիր Սելվին իր հոդվածում գրում է, որ Գյուլի ու Բաբաջանի կուսակցության ստեղծումն ավարտական փուլում է, այն կներկայացվի ամենաուշը մինչև փետրվար։ Կուսակցության ստեղծման համար ձևավորվել են 24 առանձին խմբեր՝ 300 հոգուց բաղկացած։ Կուսակցական գործունեության իրականացման համար ձևավորվել են նաև նախաձեռնող խմբեր, արդեն պատրաստ են կուսակցության անունը, տարբերանշանը, ծրագիրն ու կանոնադրությունը։

««Արդարություն ու զարգացում» կուսակցությունը ստեղծվել է որպես պահպանողական դեմոկրատական կուսակցություն։ Ասում են, որ Գյուլի և Բաբաջանի կուսակցությունը կորդեգրի լիբերալ-դեմոկրատական գիծը։ Դավութօղլուի ու Բաբաջանի կուսակցությունների առաջին փորձությունը 2023թ. նախագահական ընտրությունները կլինեն: Այդ քվեարկությունը կլինի դաշինքների ընտրություն՝ «հանրապետական դաշինքն» ու «ազգային դաշինքը» կմրցեն իրար հետ։ Նախագահական ընտրությունների առաջին փուլում՝ 50 և մեկ տոկոս ձայն, Դավութօղլուի ու Բաբաջանի կուսակցությունները կստանան ավելի շատ ձայներ»,- նշվում է հոդվածում։

Թուրքիայում այժմ ներքաղաքական լուրջ փոփոխություններ են ընթանում առաջիկա ընտրություններից առաջ, որոնց արդյունքում, որոշ կանխատեսումների համաձայն, հնարավոր է՝ ձևավորվի այնպիսի իշխանություն, որում Էրդողանն ու իր թիմը տեղ չունենան։

Նշենք նաև, որ Էրդողանն արդեն 2 անգամ նախագահ ընտրվել է։ Երրորդ անգամ նա կարող է այդ պաշտոնը զբաղեցնել Սահմանադրության մեջ փոփոխություններ կատարելուց հետո:

Էմմա Չոբանյան