08.11.2024 | 23:14
Վթար Աշտարակի խճուղում․ կա տուժած
Բրիտանիան կուրորեն մասնակցում է ամերիկյան ահաբեկչական ավանտյուրային. Իրանի ԱԳ նախարար
Քաղաքականություն
14.01.2020 | 12:03
Իրանի ԱԳ նախարար Մոհամմադ Ջավադ Զարիֆը եվրոպացիներին կոչ է արել կատարել պարտավորությունները՝ Վաշինգտոնին հետևելու փոխարեն: ԻՌՆԱ-ի փոխանցմամբ՝ նա հայտարարել է, որ Բրիտանիան կուրորեն ներքաշվել է ամերիկյան ահաբեկչական արկածախնդրության մեջ:
«Մեծ Բրիտանիան թութակի նման հետևում է ամերիկյան քաղաքականությանը և կուրորեն մասնակցում է տարածաշրջանում նրա ահաբեկչական արկածախնդրությանը»,- Twitter-ում գրել է Զարիֆը:
«Վերջին անգամ, երբ Մեծ Բրիտանիան ներքաշվել է ԱՄՆ-ի սկանդալում, Իրաքում պատերազմն էր: Ինչպիսի՞ն էր արդյունքը: Փոփոխություն կատարելու համար հարկավոր է պատվավոր ուղու վրա կանգնել. մարել իրանցիների առջև ունեցած պարտքը դատարանի որոշմամբ»,- ասել է նա:
Իրանցի դիվանագետը նաև նշել է, որ վերջին 20 ամիսներին եվրոպական երեք երկրներից կազմված խումբը, բրիտանական քաղաքականությանը հետևելով, լռել են ԱՄՆ-ի առջև. «Դա նրանց ոչինչ չի տա»:
