08.11.2024 | 23:14
Վթար Աշտարակի խճուղում․ կա տուժած
Աբխազիայի խորհրդարանը նախագահի պաշտոնակատար է նշանակել վարչապետ Վալերի Բգանբային
Քաղաքականություն
13.01.2020 | 15:47
Աբխազիայի Ժողովրդական ժողովի պատգամավորներն ընդունել են երկրի նախագահի պաշտոնակատարի մասին որոշման նախագիծը: Երկրի ղեկավարի պարտականությունները կկատարի վարչապետ Վալերի Բգանբան: «Sputnik Աբխազիա»-ի փոխանցմամբ՝ նախագծին «կողմ» են քվեարկել ներկա բոլոր 34 պատգամավորները:
Մինչ այդ, օրենսդիրներն ընդունել էին Ռաուլ Խաջիմբայի հրաժարականը:
Աբխազիայում կրկնակի նախագահական ընտրությունները կանցկացվեն մարտի 22-ին: Նոր քվեարկության մասին որոշումն ընդունվել է այն բանից հետո, երբ Գերագույն դատարանի վերաքննիչ կոլեգիան անվավեր է ճանաչել 2019 թվականին կայացած ընտրությունների արդյունքների մասին ԿԸՀ-ի որոշումը:
Օրենսդրության համաձայն՝ կրկնակի ընտրություններին կարող են առաջադրվել ինչպես նախորդ, այնպես էլ նոր թեկնածուներ: Ռաուլ Խաջիմբան, սակայն, այլևս չի առաջադրվելու պետության ղեկավարի պաշտոնում, հայտնել է փոխնախագահ Ասլան Բարցիցը:
Ռաուլ Խաջիմբան, հիշեցնենք, հրաժարական է ներկայացրել երեկ երեկոյան: Ընդդիմության մի քանի հարյուր կողմնակիցներ նման պահանջով հավաքվել էին նախագահական պետական առանձնատան մոտ: Ավելի ուշ նա լիազորությունները վայր դնելու մասին փաստաթուղթն ուղարկել է խորհրդարան:
