18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Գեներալ Սոլեյմանիի սպանությունը Մերձավոր Արևելքն ընկղմեց անորոշության մեջ. իրանագետ. ՏԵՍԱՆՅՈՒԹ
Քաղաքականություն
13.01.2020 | 14:13
Գեներալ Ղասեմ Սոլեյմանիի սպանությունը ոչ միայն ավելի սրեց Իրան-ԱՄՆ հարաբերությունները, այլ Միջին Արևելքն ընկղմեց անորոշության մեջ: Այսօր կազմակերպված «Իրան-ԱՄՆ նոր առճակատում. ի՞նչ սպասել» խորագրով փորձագիտական քննարկմանը նման կարծիք հայտնեց իրանագետ Էմմա Բեգիջանյանը:
«Ղասեմին հանդիսանում էր Իրանի Իսլամական հեղափոխության պահապան գվարդիայի ղեկավարն էր: Բացի այդ՝ Սոլեյմանին ոչ միայն զորավար էր, այլև ստրատեգ: Նրա ոչնչացմամբ փոխհարաբերությունները սրվեցին, Իրանի բոլոր պաշտոնյաները հայտարարեցին, որ վրեժխնդիր են լինելու և այդ վրեժը լինելու է սարսափելի»,- ասաց իրանագետը:
Նրա խոսքով՝ բնական է, որ Իրաքում ամերիկյան ռազմակայանի հրթիռակոծության մասին նախապես տեղյակ էին պահել Բաղդադին:
«Եթե Իրանը հայտարարում է, որ 60 հոգի զոհ է եղել, իսկ ամերիկյան կողմը՝ ոչ մի զոհ, դա էլ է բնական: Կարելի է ասել, որ այդ զոհերի թիվն ինչ-որ տեղ ներքին օգտագործման նպատակով է եղել, որովհետև եթե զոհեր լինեին, ԱՄՆ-ն չէր կարող լռել այդ մասին»,- ասաց Էմմա Բեգիջանյանը:
Մանրամասները՝ տեսանյութում:
