28.11.2024 | 19:39
Ռոբերտ Քոչարյանի նոր մեղադրանքով վերագրվող արարքի վաղեմության ժամկետն անցած է
Իրանը միջազգային փորձագետների է հրավիրում՝ մասնակցելու ուկրաինական ինքնաթիռի կործանման քննությանը
Քաղաքականություն
10.01.2020 | 12:23
Իրանը հրավիրել է ԱՄՆ պատահարների հետաքննության գործակալությանը, ինչպես նաև ուկրաինական և միջազգային այլ փորձագետների ՝ մասնակցելու Թեհրանի օդանավակայանի մոտակայքում «Ուկրաինայի միջազգային ավիաուղիների» Boeing-737 օդանավի վթարի հետաքննությանը։ Այս մասին հայտնում է Associated Press-ը:
Տեղոկությունը ստացվել է Միացյալ Նահանգների, Կանադայի, Մեծ Բրիտանիայի և Ավստրալիայի ղեկավարների հայտարարություններից հետո:
Նրանք, հիշեցնենք, հավանական են համարել, որ Boeing-ը, ենթադրաբար սխալմամբ, հրթիռակոծվել է Իրանի կողմից:
Երեկ՝ հունվարի 9-ին, ամերիկյան CNN-ը տեղեկատվություն էր տարածել այն մասին, որ ուկրաինական ինքնաթիռը խոցվել է Իրանից արձակված հրթիռի կողմից: Պաշտոնական Պենտագոնը մինչ այժմ չի հաստատել, սակայն չի էլ հերքել այս պնդումները: Իրանական կողմն, այդուհանդերձ, այս վարկածը հերքում է:
Հիշեցնենք, որ հունվարի 8-ին՝ Թեհրանի մերձակայքում ուկրաինական Boeing-737-ի կործանման հետևանքով 167 ուղևոր և անձնակազմի 9 անդամ էր զոհվել:
