28.11.2024 | 18:43
Սպիտակ տունը հայտարարել է, որ մտադիր չէ միջուկային զենք փոխանցել Ուկրաինային
«Իրանն ավարտել է Սոլեյմանիի սպանության վրեժխնդրությունը». ՄԱԿ-ում Իրանի մշտական ներկայացուցիչ
Քաղաքականություն
09.01.2020 | 13:06
Եթե ԱՄՆ-ն այլևս ռազմական գործողություններ չձեռնարկի Իրանի նկատմամբ, մենք նույնպես նման գործողություններ չենք ձեռնարկի։ Այս մասին հայտարարել է ՄԱԿ-ում Իրանի մշտական ներկայացուցիչ Մաջիդ Թահթ Ռավանչին, գրում է Tehrantimes-ը:
«Մեր բոլոր գործողությունները համաչափ էին Ղասեմ Սոլեյմանիի սպանությանը: Դրանք ավարտված են։ Իրանն ավարտել է վրեժխնդրությունը գեներալ Սոլեյմանիի սպանության համար և նոր ռազմական գործողություններ չի ձեռնարկի՝ ԱՄՆ-ի կողմից ագրեսիայի բացակայության դեպքում»,- ասել է Մաջիդ Թահթ Ռավանչին։
Մինչ այդ, նա ՄԱԿ-ի գլխավոր քարտուղարին և Անվտագության խորհրդին նամակ է հանձնել, որտեղ նշել է. «Միջազգային իրավունքի համաձայն՝ Իրանը կձեռնարկի բոլոր անհրաժեշտ և համաչափ միջոցները ցանկացած սպառնալիքի կամ ուժի կիրառման դեմ»։
Նելլի Մելքոնյան
