26.09.2026 | 20:38
Քաղաքացին ընկել է ջրհորը. նա հոսպիտալացվել է
«ԱՄՆ-ն պատրաստ է խաղաղություն կիսել նրանց հետ, ովքեր այն փնտրում են»․ Դոնալդ Թրամփ
Քաղաքականություն
08.01.2020 | 21:12
Իրանի կողմից Իրաքում տեղակայված ամերիկյան ռազմական օբյեկտների հրթիռահարման հետևանքով ոչ մի ամերիկացի չի տուժել։ Այս մասին Սպիտակ Տանը կայացած մամուլի ասուլիսի ընթացքում հայտարարեց ԱՄՆ նախագահ Դոնալդ Թրամփը։
«Իրանի ռեժիմի հրթիռակոծության հետևանքով ոչ մի ամերիկացի զինվոր չի տուժել, նրանք բոլորն ապահով են, և նրանց կյանքին ոչինչ չի սպառնում 1979-ից տարբեր ազգեր հանդուրժել են Իրանի կործանարար պահվածքը։ Այդ օրերն անցել են։ իրանն ահաբեկչության առաջնային հովանավորներից է եղել և իր միջուկային զենքով սպառնացել քաղաքակիրթ աշխարհին։ Մենք երբեք թույլ չենք տա, որ դա իրականություն լինի։ Անցյալ շաբաթ մենք գործողություններ ձեռնարկեցինք՝ կանգնեցնելու համար ամերիկացիների կյանքին սպառնացող ահաբեկչին», – ասել է Թրամփը։
Թրամփի խոսքով՝ ԱՄՆ զինուժը վերացրել է աշխարհի թոփ ահաբեկիչ Ղասեմ Սոլեյմանին․ «Որպես «Ղուդս» ստորաբաժանման ղեկավար, նա անձնապես պատասխանատու էր վատթարագույն ահաբեկչությունների համար։ Նա պատրաստում էր ահաբեկչական խմբեր՝ ներառյալ «Հեզբոլա» շարժումը»։
ԱՄՆ նախագահը ելույթի ավարտին նշեց, «Այն, որ մենք հզոր ռազմական տեխնիկա ունենք, չի նշանակում, որ պետք է օգտագործենք այն։ Մենք չենք ուզում օգտագործել այն։ Մենք ուզում ենք, որ դուք՝ Իրանի ժողովուրդը, հրաշալի ապագա ունենանք։ Այնպիսի ապագա, որին դուք արժանի եք։ ԱՄՆ-ն պատրաստ է խաղաղություն կիսել նրանց հետ, ովքեր այն փնտրում են»։
