18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
16-ամյա աղջկա մահվան գործով ձերբակալվածին մեղադրանք է առաջադրվել
Հասարակություն
08.01.2020 | 16:43
16-ամյա աղջկա սպանության համար Ռաֆայել Սուքիասյանին մեղադրանք է առաջադրվել ՀՀ քրեական օրենսգրքի 104 հոդվածի 2-րդ մասի 8-րդ կետով (սպանություն, որը կատարվել է շահադիտական դրդումներով):
Այս մասին Factor.am-ի հետ զրույցում ասաց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:
«Սուքիասյանին կալանավորելու միջնորդություն է ներկայացվել դատարան»,- ասաց Նաիրա Հարությունյանը:
Հիշեցնենք, որ 16-ամյա աղջիկը սպանվել է հունվարի 5-ին՝ ժամը 23։00-ի սահմաններում: Դատաբժշկի նախնական եզրակացության համաձայն՝ աղջիկը մահացել է խեղդամահ արվելու հետևանքով։
Ըստ ոստիկանության՝ Սուքիասյանը ձերբակալվել է սպանության հաջորդ օրը քաղաքի կենտրոնից՝ Աբովյան փողոցից, խուզարկության ժամանակ էլ նրա մոտ հայտնաբերվել է սպանված աղջկա պլանշետը, նա տվել է ինքնախոստովանական ցուցմունք։
Ռաֆայել Սուքիասյանը պայմանագրային հիմունքներով ծառայում էր ՊՆ-ում:
Ըստ Ոստիկանության հաղորդագրության՝ 16-ամյա աղջիկը վարձով էր ապրում այն բնակարանում, որտեղ սպանվել է:
