12.02.2026 | 13:17
Արևմուտքը փորձում է ամրապնդել իր ազդեցությունը Հարավային Կովկասում. ՀԱՊԿ շտաբի պետ
Իրաքում ԱՄՆ բազայի վրա Իրանի հրթիռային հարվածի հետևանքով 80 մարդ է զոհվել. լրատվամիջոցներ
Քաղաքականություն
08.01.2020 | 10:57
Իրաքում ԱՄՆ բազայի վրա Իրանի հրթիռային հարվածի հետևանքով 80 մարդ է զոհվել: Այս մասին հաղորդում է Reuters-ը՝ վկայակոչելով Իրանի պետական հեռուստատեսության տվյալները, գրում է ՏԱՍՍ-ը:
Ավելի վաղ CNN-ը հայտնել էր, որ իրանական կողմից արձակված հրթիռներն ընկել են Իրաքում Այն էլ-Ասադ ավիաբազայի այն հատվածում, որտեղ ամերիկացի զինծառայողներ չեն եղել:
Մինչ այդ, ՄԱԿ-ում Իրանի մշտական ներկայացուցիչ Մաջիդ Թահթ-Ռավանչիի՝ կազմակերպության գլխավոր քարտուղարին և Անվտանգության խորհրդին հասցեագրված նամակում նշվում է, որ Իրանը պատերազմ չի փնտրում, բայց կշարունակի իրացնել ցանկացած սպառնալիքից պաշտպանվելու իր իրավունքը:
«Չնայած Իրանի Իսլամական Հանրապետությունը պատերազմ չի փնտրում, նախազգուշացնում է իր դեմ հետագա ցանկացած ռազմական արկածախնդրությունից: Իրանը կշարունակի պաշտպանել իր ժողովրդին և պաշտպանել իր ինքնիշխանությունն ու տարածքային ամբողջականությունը՝ իր ազգային շահերին համապատասխան»,- մասնավորապես ասված է նամակում:
Նշենք, որ Այն էլ-Ասադ ռազմաօդային բազայից բացի՝ Էրբիլի մերձակայքում նաև օդանավակայան է հրթիռակոծվել: Պենտագոնի տվյալներով՝ ավելի քան 10 հրթիռ է արձակվել:
