18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Էրդողանը թուրքական զորախմբեր է ուղարկել Լիբիա
Քաղաքականություն
06.01.2020 | 14:44
Թուրքական զորախմբերը մեկնել են Լիբիա: Այս մասին հայտարարել է Թուրքիայի նախագահ Ռեջեփ Թայիփ Էրդողանը. տեղեկացնում է РИА Новости-ն:
Թուրքիայի նախագահի խոսքով՝ զորախմբերը զբաղվելու են Լիբիայի ազգային համաձայնության կառավարության համակարգմամբ:
«Մեր նպատակը օրինական կառավարությանն աջակցելն է»,- հայտարարել է Թուրքիայի նախագահը։
Հունվարի 2-ին ԱՄՆ նախագահ Դոնալդ Թրամփը հեռախոսազրույց էր ունեցել Էրդողանի հետ և ասել, որ Լիբիայում արտասահամանյան միջամտությունը միայն կբարդացնի իրավիճակը:
Ավելի վաղ Էրդողանը հաստատել էր Թուրքիայի և Լիբիայի ազգային համաձայնության կառավարության միջև կնքված ռազմական համագործակցության համաձայնագիրը: Թուրքական Միլլի մեջլիսում կայացած քվեարկության արդյունքում Էրդողանին՝ Լիբիա զորք ուղարկելու մանդատ տալու օգտին քվեարկել է 323 պատգամավոր, դեմ՝ 184: Դեկտեմբերի 26-ին Լիբիայի ազգային համաձայնության կառավարությունը ռազմական օգնության վերաբերյալ պաշտոնական խնդրանքով դիմել էր թուրքական կողմին:
