05.05.2024 | 13:46
Հայ խորհրդարանականները Վաշինգտոնում մի շարք հանդիպումներ են ունեցել
Իրանը դուրս է եկել միջուկային գործարքից և սպառնում է ԱՄՆ-ին ռազմական հարվածով
Քաղաքականություն
06.01.2020 | 10:40
Իրանի կառավարությունը հայտարարել է, որ հրաժարվում է Իրանի և միջազգային վեց միջնորդների կողմից 2015 թվականին կնքված միջուկային գործարքի սահմանափակումներից. հաղորդում է BBC-ի ռուսական ծառայությունը:
Պաշտոնական Թեհրանը հայտարարում է, որ պատժամիջոցները վերացնելու դեպքում պատրաստ է վերադառնալ իր պարտավորությունների կատարմանը, ինչպես նաև իր որոշումը ուղղակիորեն կապում է ուրբաթ օրը բարձրաստիճան գեներալ Ղասեմ Սուլեյմանիի սպանության հետ:
«Իրանը վերջնականապես կհրաժարվի միջուկային գործարքի սահմանափակումներից, առաջին հերթին ցենտրիֆուգների քանակի հետ կապված: Այսպիսով, իրանական միջուկային ծրագիրը արտադրության որևէ սահմանափակում չի ունենա»,- ասված է կառավարության հայտարարության մեջ:
Իրանի իշխանությունները հավելել են, որ կշարունակեն համագործակցել ՄԱԳԱՏԷ-ի հետ և կվերադառնան միջուկային գործարքի իրենց պարտավորությունների կատարմանը, եթե հանվեն երկրի դեմ պատժամիջոցները և հաշվի առնվեն երկրի շահերը:
Բացի այդ, ինչպես հայտարարել է երկրի արտաքին գործերի նախարարության պաշտոնական ներկայացուցիչ Աբաս Մուսավին, Թեհրանը պետք է հասնի նրան, որ ԱՄՆ-ը պատասխան տա գեներալ Ղասեմ Սուլեյմանիի սպանության համար:
