Հունվարի 6-ին Սուրբծննդյան և ջրօրհներքի պատարագի խաչքավորը լինելու է Սարո Խուդավերդյանը: Այս մասին Factor.am-ին փոխանցեց Մայր Աթոռի տեղեկատվական համակարգի պատասխանատու Տեր Վահրամ քահանա Մելիքյանը:
Սարո Խուդավերդյանը Իտալիայից է, Միլանի եկեղեցական վարչության անդամ: Տեր Վահրամի փոխանցմամաբ՝ Հայ Եկեղեցու շքանշանակիր է և ազգային բարերար:
Factor.am-ը ներկայացնում է վերջին մի քանի տարիների խաչքավորներին, որոնք պատահական մարդիկ չեն եղել:
Հիշեցնենք որ, պաշտպանության նախկին նախարարներ՝ Սեյրան Օհանյանի և Վիգեն Սարգսյանի խաչքավորությունները մամուլում և ֆեյսբուքյան հարթակում սուր քննադատությունների առիթ էին դարձել:
2004 թ.- ՀՀ ԱԳ նախարար Վարդան Օսկանյան,
2005 թ. – Գերագույն հոգևոր խորհրդի անդամ, Երևանի Մ. Հերացու անվան բժշկական համալսարանի նախկին ռեկտոր Վիլեն Հակոբյան,
2006 թ. – Արագածոտնի թեմի Չքնաղ գյուղի Սբ Ստեփանոս եկեղեցու բարերար Գառնիկ Հովսեփյան,
2007 թ. – կոմպոզիտոր, ՀՀ արվեստի վաստակավոր գործիչ, ՀՀ ժողովրդական արտիստ Տիգրան Մանսուրյան,
2008 թ. – Մայր Աթոռ Սբ Էջմիածնի բարերար Հրաչ Թուֆայան,
2009 թ. – Հայաստանի շախմատի ֆեդերացիայի փոխնախագահ, գրոսմայստեր Սմբատ Լպուտյան,
2010 թ. – ՀՀ պաշտպանության նախարար Սեյրան Օհանյան,
2011 թ. – ՀՀ շինարարների միության նախագահ, «Հորիզոն 95» ՍՊԸ տնօրեն, Մայր Աթոռ Սբ Էջմիածնի բարերար Գագիկ Գալստյան,
2012 թ. – Մայր Աթոռ Սբ Էջմիածնի բարերար, «Փյունիկ» բարեգործական հիմնադրամի նախագահ Գաբրիել Ջամբարջի,
2013 թ. – ակադեմիկոս Սեն Արևշատյան,
2014 թ. – Մայր Աթոռ Սբ Էջմիածնի բարերար Հայկ Մաղաքելյան,
2015 թ.- ազգային բարերար Սամվել Կարապետյան,
2016 թ. ԼՂՀ ՊԲ գնդապետ Ջալալ Հարությունյան,
2017 թ. ՀՀ ՊՆ նախկին նախարար Սեյրան Օհանյան,
2018 թ. ՀՀ ՊՆ նախկին նախարար Վիգեն Սարգսյան,
2019 թ. ՀԲԸՄ Կենտրոնական խորհրդի անդամ, ՀԲԸՄ-Հայաստանի նախագահ Վազգեն Յակուբյան
Նշենք, որ Սուրբ Ծննդյան և Աստվածհայտնության տոնի առիթով հունվարի 6-ին Ն.Ս.Օ.Տ.Տ. Գարեգին Երկրորդ ծայրագույն պատրիարք և Ամենայն հայոց կաթողիկոսը Սուրբ պատարագ կմատուցի Երևանի Սուրբ Գրիգոր Լուսավորիչ մայր եկեղեցում։ Պատարագի սկիզբը՝ 10:30-ին։ Արարողության ավարտին կկատարվի ջրօրհնեքի կարգը։
Նարեկ Կիրակոսյան
