12.06.2026 | 13:28
Մեր պետությանն ու ժողովրդին ոչ ոք չի կարող կոտրել․ Պապոյանը՝ ՌԴ-ի մտցրած սահմանափակումների մասին․ ՏԵՍԱՆՅՈՒԹ
Նոյեմբեր ամիսը տնտեսական ցուցանիշների առումով ռեկորդային է․ Նիկոլ Փաշինյան. ՏԵՍԱՆՅՈՒԹ
Տնտեսություն
26.12.2019 | 11:43
Տարին փակում ենք բավականին լավ տրամադրությամբ։ Այս մասին կառավարության նիստի ժամանակ ասաց վարչապետ Նիկոլ Փաշինյանը։ Նա տեղեկացրեց, որ Ազգային վիճակագրության կոմիտեն հրապարակել է նոյեմբեր ամսվա և 11 ամիսների տնտեսական ցուցանիշները։
«Պետք է արձանագրել, որ նոյեմբեր ամիսը տնտեսական ցուցանիշների առումով ռեկորդային է 2019 թվականի համար։ Տնտեսական ակտիվության 10.1 տոկոս ցուցանիշ ունենք։ Ապրանքների արտահանման աճ ունենք 25.7 տոկոսով»,- ասաց Նիկոլ Փաշինյանը։
Վարչապետը նաև տեղեկացրեց, որ 11 ամսվա արդյունքներով տնտեսական ակտիվության ցուցանիշը 7․5 տկոս է։
«Ի վերջո, այս թվերն արձանագրում են, որ այն գաղափարախոսությունը, որը դրել ենք տնտեսական զարգացման հիմքում, ռեալ աշխատում է»,- ասաց Փաշինյանը։
ՀՀ տնտեսական զարգացման և ներդրումների գործող նախարար Տիգրան Խաչատրյանը նշեց, որ ապրանքների որոշ խմբերում արտահանման զարգացում կա։ Օրինակ՝ կոնյակի արտահանման աճ է գրանցել 25 տոկոսով։
Մանրամասները՝ տեսանյութում։
