01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
«Սիրիայի կառավարական ուժերն Իդլիբում պաշարել են Թուրքիայի դիտակետը». Reuters
Քաղաքականություն
25.12.2019 | 14:39
Սիրիայի կառավարական բանակը շարունակում է գրոհները Իդլիբ նահանգի ուղղությամբ, որը գտնվում է «Հայաթ Թահրիր ալ-Շամ» վերանվանված նախկին «Ալ-Նուսրա» ահաբեկչական խմբավորման և այլ զինված խնբավորումների հսկողության տակ. գրում է ermenihaber-ը:
Թուրքական «Diken» լրատվական կայքը, հղում անելով «Reuters»-ին, գրում է, որ Սիրիայի բանակին աջակցում են ռուսական օդուժի միավորումները և իրանական ստորաբաժանումները:
Հաղորդման համաձայն՝ Սիրիայի բանակը նկատելի առաջխաղացում է գրանցել, ինչի հետևանքով ավելի վաղ Իդլիբում Թուրքիայի ԶՈւ-ի կողմից հիմնված դիտակետերից մեկը ամբողջությամբ հայտնվել է կառավարական ուժերի շրջափակման մեջ:
Նշյալ դիտակետը գտնվում է Իդլիբ նահանգի Մաարեթ ալ-Նուման քաղաքից ոչ հեռու գտնվող Սուրման գյուղի մոտակայքում:
Նշվում է նաև, որ Սիրիայի բանակի կողմից նահանգն ահաբեկիչներից ազատելու նպատակով իրականացվող օպերացիայի շրջանակներում տեղի ունեցող զինված բախումների հետևանքով հազարավոր խաղաղ քաղաքացիներ շարժվում են դեպի հարևան Թուրքիայի սահման:
Հիշեցնենք, որ 2017-ին Սոչիում Թուրքիայի ու Ռուսաստանի միջև ձեռք էր բերվել համաձայնություն Իդլիբում ապառազմականացված գոտի հիմնելու մասին: Դրա շրջանակներում Թուրքիայի վերահսկողությամբ նահանգի զինյալ խմբերը պետք է դուրս բերեին իրենց պատկանող ծանր զինտեխնիկան, տանկերը, համազարկային կրակի ռեակտիվ համակարգերը, զենքերը և ականանետերը։ Այս ամենը վերահսկելու համար թուրքական ԶՈւ-ն Իդլիբի տարբեր հատվածներում հիմնել էր 12 դիտակետ:
