«Փաշինյանի օրոք ԱԱԾ-ն հաջողացրել է այնպես գործել, որ ոմանց ձեռքում հայտնվի վարչապետի և ուժային կառույցների ղեկավարների հեռախոսազրույցը». Դանիել Իոաննիսյան. ՏԵՍԱՆՅՈՒԹ

ԱԱԾ-ն իր ո՞ր պարտավորությունն է կատարել: Վարչապետի ոչ մի հեռախոսային զրույց ոչ ոք չի գաղտնալսե՞լ: Փաշինյանի օրոք ԱԱԾ-ն հաջողացրել է այնպես գործել, որ ոմանց ձեռքում հայտնվի վարչապետի և ուժային կառույցներից երկուսի ղեկավարների հեռախոսազրույցը: Այս մասին այսօր՝ «Հեղափոխությունը հասե՞լ է ԱԱԾ, թե՞ շրջանցել է այն. ՀԿ-ները մտահոգված են» թեմայով քննարկման ընթացում նշեց «Իրազեկ քաղաքացիների միավորման» ծրագրի համակարգող Դանիել Իոաննիսյանը:

«Օգոստոսի 5-ի հանրահավաքի ընթացքում ասաց, որ 2050 թվականին Հայաստանը պետք է ունենա աշխարհի 10 լավագույն հատուկ ծառայություններից մեկը, բայց, կներեք, ԱԱԾ-ին որը փորձում է վարչապետի որոշ որոշումների վրա ազդել՝ ընդդիմադիր վիդեոբլոգերների միջոցով, լուրջ փոփոխություններ են պետք»,- ասաց Իոաննիսյանը:

Հիշեցնենք, որ դեկտեմբերի սկզբին 6 ՀԿ դիմել էր կառավարությանը՝ կոչ անելով ջանքեր ներդնել ԱԱԾ արմատական բարեփոխման ուղղությամբ: Մասնավորապես՝ «Իրազեկ քաղաքացիների միավորում», Ժուռնալիստների «Ասպարեզ» ակումբ, Հելսինկյան քաղաքացիական ասամբլեայի Վանաձորի գրասենյակ, «Թրանսփարենսի Ինթերնեշնլ հակակոռուպցիոն կենտրոն», Հանրային լրագրության ակումբ և «Բաց հասարակության հիմնադրամներ – Հայաստան» կազմակերպությունները դիմել էին վարչապետ Նիկոլ Փաշինյանին՝ պահանջով, որ վերջինս հանձնարարի ենթակա իրավապահ մարմիններին մանրակրկիտ զբաղվել նախորդ տասնամյակներում Հայաստանում տեղի ունեցած խոշոր իրադարձությունների ուսումնասիրությամբ։

Մանրամասները՝ տեսանյութում:

Նելլի Մելքոնյան