16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
«21-րդ դարում Մնջախաղի թատրոնի շենքը չպետք է խցկենք Հայպետհրատի շենքի մեջ». ճարտարապետ. ՏԵՍԱՆՅՈՒԹ
Հասարակություն
23.12.2019 | 12:39
Մեր կարծիքով՝ Մնջախաղի թատրոնի շենքի հետ կապված այս գործընթացն օրենքի խախտմամբ է տեղի ունենում: Խելամիտ և օրինական կլինի, որ րոպե առաջ շինաշխատանքները դադարեցվեն: Այս մասին այսօր՝ «Հուշարձանների պահպանության հարցը. տպարանի շենք» թեմայով քննարկման ընթացքում նշեց ճարտարապետ Սարհատ Պետրոսյանը:
«Երբ 21-րդ դարում թատրոնի շենք ենք կառուցում, հարց է ծագում. արդյոք թատրոնը պետք է ծվարած լինի Հայպետհրատի 3-րդ հարկում: Մենք գործ ունենք պատմական միջավայրի հետ, որը պետության կողմից է պահպանվում և Երևանի պատմական շերտեր է պարունակում: Հիմա դա պետք է լինի 21-րդ դարին համապատասխան, չպետք է թատրոնը խցկենք այդ շենքի մեջ»,- ասաց Սարհատ Պետրոսյանը:
Ըստ ճարտարապետի՝ Մնջախաղի թատրոնի շենքի համար ներկայացրած նախագիծը թույլ է և պետք է փոխվի:
Հիշեցնենք, որ դեկտեմբերի սկզբին Գևորգ Քոչար 21 հասցեում Կրթության, գիտության, մշակույթի և սպորտի նախարությունը հայտարարեց Մնջախաղի թատրոնի նոր շենքի շինաշխատանքների մեկնարկի մասին։ Նախկին Գրապալատի շենքի շուրջ բուռն քննարկումները, սակայն, դեռ շարունակվում են։ Ֆեյսբուքում՝ «Փրկենք տպարանի շենքը» էջ է ստեղծվել, որտեղ մի խումբ մարդիկ ստորագրահավաք են կազմակերպել։
Մանրամասները՝ տեսանյութում:
Նելլի Մելքոնյան
