12.11.2024 | 23:27
Գրետա Թունբերգը ժամանել է Հայաստան
Մակրոնը հրաժարվել է նախագահական թոշակից
Քաղաքականություն
22.12.2019 | 18:56
Ֆրանսիայի Հանրապետության նախագահ Էմանուել Մակրոնը հրաժարվել է թոշակից, որը նրան պետք է հատկացվեր որպես երկրի նախկին ղեկավարի. գրում է РБК-ն՝ հղում անելով Le Parisien-ին:
Երկրի ղեկավարը, որը դեկտեմբերի 21-ին դարձավ 42 տարեկան, որոշել է նաև, որ պաշտոն չի զբաղեցնի Սահմանադրական խորհրդում, որի ցմահ անդամներ են դառնում նախագահները ղեկավարման ժամկետի ավարտից հետո:
Մակրոնն այս որոշումն ընդունել է երկրում շարունակվող գործադուլների ֆոնին, որոնք ուղղված են թոշակային բարեփոխումների դեմ: Ելիսեյան պալատից հայտնել են, որ այդ որոշումը պայմանավորված է «երկրում տիրող իրավիճակին համապատասխան գործելու ձգտմամբ»:
Մակրոնը կդառնա Ֆրանսիայի առաջին նախագահը, որը կհրաժարվի թոշակից, որը սահմանվում է 1955-ին ընդունված օրենքով: Թոշակի չափը կազմում է ամսական 6220 եվրո:
