22.05.2026 | 19:33
Պարզ է` իր այն թիմակիցն է ինֆորմացիա փոխանցել,ում հետ մտերիմ է. Հակոբյանը` Թևանյանի մասին. ՏԵՍԱՆՅՈՒԹ
«Խորանաշատի վանքը Եվրոպայի 7 ամենավտանգված հուշարձանների նախնական ցանկում է ընդգրկվել»․ ԿԳՄՍ փոխնախարար. ՏԵՍԱՆՅՈՒԹ
Մշակույթ
20.12.2019 | 19:21
Եվրոպայի 2020 թվականի 7 ամենավտանգված հուշարձան անվանակարգի նախնական ցանկում Հայաստանից ընդգրկվել է Տավուշի մարզում գտնվող Խորանաշատի վանքը և կարասը՝ որպես գինու պատրաստման համար օգտագործվող հայկական ավանդական տարա։ Այս մասին այսօր՝ Կրթության, գիտության, մշակույթի և սպորտի տարեկան ամփոփիչ ասուլիսի ընթացքում նշեց ԿԳՄՍ փոխնախարար Նարինե Խաչատուրյանը։
«Անցած տարի ՅՈՒՆԵՍԿՕ-ն իր օրացույցում ներառեց Հովհ․ Թումանյանի և Կոմիտասի 150-ամյակները, և Հայաստանը կարողացավ մշակութային առումով վարկանիշային մեծ հաջողություն ունենալ։ ՅՈՒՆԵՍԿՕ-ի դրամաշնորհով Թումանյանի երևանյան թանգարանը իրականացրեց թարգմանական գրականության մասին գիտաժողով, իսկ Կոմիտասի թանգարան-ինստիտուտը գրքեր հրապարակեց»,- նշեց ԿԳՄՍ փոխնախարարը։
Ըստ նրա՝ 2020-2021 թվականների համար ՅՈՒՆԵՍԿՕ-ն ևս երկու հայ մեծերի է ներառել իր օրացույցի մեջ՝ Ալ․ Սպենդիարյանի 150 և Անրի Վեռնոյի 100-ամյակները։ «Այս տարի ևս մեկ ձեռքբերում ունենք․ «Հայկական տառարվեստը և դրա մշակութային դրսևորումները» հայտն ընդգրկվել է ՅՈՒՆԵՍԿՕ-ի՝ մարդկության ոչ նյութական մշակութային ժառանգության ցանկում։ Ինչպես նաև «Եվրոպա Նոստրա» 2019-ի շրջանակում Հայաստանը ներկայացնող երկու նախագիծ է հաղթել՝ Սոլակ-1 պեղումների հետաքննություն ու իրականացումը և ԹՈՒՄՈ կենտրոնի սաների իրականացրած հետազոտական աշխատանքները Վայոց ձորում»,- ընդգծեց Նարինե Խաչատուրյանը։
Անդրադառնալով դպրոցական աբոնոմենտային համակարգի ներդրման ծրագրին, ԿԳՄՍ փոխնախարարը նշեց․ «Սա նախարարության կարևորագույն ծրագրերից է, որով նախատեսված է պետական հանրակրթական դպրոցների 1-12-րդ դասարանների աշակերտների և ուսուցիչների համար։ Այս պահի դրությամբ 161 հազար 628 աբոնեմենտ է մարվել, ինչը մոտավորապես աշակերտության 50 կամ ավելի տոկոսն է կազմում»։
Նրա խոսքով՝ այս ծրագիրը մինչև տարեվերջ է գործելու։ Խոսելով անհրաժեշտ օրենսդրական կարգավորումներին, Նարինե Խաչատուրյանն ասաց, որ այժմ մշակում են թանգարանների, ինչպես նաև հուշարձանների և հնագիտության մասին օրենքը։ «Ոչ թե ամբողջական, այլ փուլային փոփոխություններ ենք մտցնելու։ Մեծ ուշադրություն ենք դարձնելու գանձագողությանը»,- ասաց փոխնախարարը։
Մանրամասները՝ տեսանյութում։
Նելլի Մելքոնյան
