21.09.2026 | 21:59
Հերակլիոնի քաղաքապետարանը լուսավորվել է ՀՀ դրոշի գույներով
ՀՀ ՊՆ ՌՈ հատուկ վաշտից զինվոր է ինքնակամ հեռացել, 15 օր է՝ չեն կարողանում գտնել
Հասարակություն
20.12.2019 | 16:26
Factor.am-ի տեղեկություններով Պաշտպանության նախարարության ռազմական ոստիկանության հատուկ վաշտից շուրջ 15 օր առաջ զինվոր է ինքնակամ հեռացել: Մեր տեղեկություններով զինվորը Արագածոտնի մարզից է, գործով վկա է եղել, որի շրջանակներում պետք է մոտ օրերս առերեսում կայանար։
Զինվորի նկատմամբ հետախուզում է հայտարարվել, սակայն մինչ օրս չի հաջողվել նրան գտնել։
Այդ դեպքից հետո, ի դեպ, զորամասի հրամանատարին տեղափոխել են այլ աշխատանքի:
Այս տեղեկությունների շուրջ Factor.am-ը պարզաբանում խնդրեց Պաշտպանության նախարարության մամուլի խոսնակ Արծրուն Հովհաննիսյանից: Վերջինս, սակայն, ասաց, որ դեպքի մասին տեղեկություններ չունի, խոստացավ իրավիճակը պարզաբանել մեկ ժամից:
Թեմայի շուրջ որեւէ տեղեկություն չփոխանցեց նաեւ ՌՈ պետ Արթուր Բաղդասարյանը: Նա առաջարկեց տեղեկություն ստանալ ՊՆ մամուլի խոսնակից՝ ոչ հերքելով, ոչ էլ հաստատելով տեղեկությունները:
Հ․ Գ․ Զինվորի անունը եւ զորամասի համարը չենք հրապարակում՝ ելնելով անվտանգության նկատառումներից։
19․ 40
ՊՆ-ից դեպքի վերաբերյալ այդպես էլ չհաջողվեց պարզաբանում ստանալ։ Արծրուն Հովհաննիսյանը, ով խոստացավ կատարվածի վերաբերյալ մեկ ժամ անց պարզաբանում տալ, հաջորդող երեք ժամերին այդպես էլ անպատասխան թողեց մեր հեռախոսազանգերն ու հաղորդագրությունները։
Նարեկ Կիրակոսյան
