08.12.2025 | 17:22
IDBank-ը մասնակցել է Տնօրենների հայկական ինստիտուտի 10-րդ տարեդարձին նվիրված համաժողովին
«Էլարդի» փորձաքննության համար պետությունը վճարում է 454 հազար դոլար
Տնտեսություն
18.12.2019 | 22:22
ՀՀ կառավարությունն Ամուլսարի ոսկու հանքավայրում փորձաքննություն իրականցնող «Էլարդ» կազմակերպությանը 25,7 մլն դրամ կհատկացնի: Սա համարժեք է 54 հազար ԱՄՆ դոլարի: Ուշագրավն այն է, որ «Էլարդ»-ը կառավարությանը ոչ թե նոր ծառայություններ է մատուցում, այլ վճարվում է նախկին փորձաքննության համար:
Հիշեցնենք, որ այդ փորձաքննության համար կառավարությունը վճարել էր 400 հազար դոլարին համարժեք ՀՀ դրամ: Գումարը փոխանցելու որոշման նախագիծը ընդգրկված է կառավարության վաղվա նիստի օրակարգում:
Ի դեպ, լրացուցիչ վճարելու հարցը քննարկվել է «Էլարդ»-ի առաջարկությամբ:
Նշենք, որ «Էլարդ»-ը Ամուլսարի հանքում ուսումնասիրություններ պետք է իրականացներ, թե արդյոք ոսկու հանքի շահագործումը վնասակա՞ր է շրջակա միջավայրին, բայց այդպես էլ հանրությունը սպառիչ պատասխան չստացավ:
Նարեկ Կիրակոսյան
