27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Ըստ Փաշինյանի՝ պետական համակարգը չի աշխատում, լուրջ կայանում է միայն երկրի ղեկավարի տիկնոջ ինստիտուտը. Աղվան Վարդանյան. ՏԵՍԱՆՅՈՒԹ
Քաղաքականություն
18.12.2019 | 13:46
Մենք ապրում ենք մի երկրում, որտեղ պետության դեմ ահաբեկչություն իրականացրածները հանդիպում են վարչապետի հետ և կարճ ժամանակ անց ԱԱԾ տնօրենն ու ոստիկանապետն աշխատանքից ազատվում են: Այս մասին լրագրողների հետ զրույցում ասաց ԱԺ նախկին պատգամավոր, ՀՅԴ նախկին անդամ, Ռոբերտ Քոչարյանի աջակից Աղվան Վարդանյանը:
«Մենք ապրում ենք մի երկրում, որտեղ պետական ամբողջ համակարգը չի աշխատում, ձախողված է՝ ըստ վարչապետի և դարձյալ, ըստ վարչապետի, մի լուրջ ինստիտուտ է կայանում, երկրի ղեկավարի տիկնոջ ինստիտուտը»,- ասաց նա:
Մեր հարցին, թե ինչու է Աննա Հակոբյանի գործունեությունն անհանգստացնում, քանի որ նա անում այն, ինչ ժամանակին կատարում էր Ռիտա Սարգսյանը, Աղվան Վարդանյանը նշեց. «Ինձ չի անհանգստացնում, ես ընդամենն ասացի, որ պարզվեց ամբողջ երկրում պետական համակարգը չի աշխատում, եթե կա մի ինստիտուտ, որը լուրջ կայանում է՝ երկրի ղեկավարի տիկնոջ ինստիտուտն է: Ես միայն ուրախ եմ»:
Մանրամասները՝ տեսանյութում:
Նարեկ Կիրակոսյան
