17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Գոլդեն Փելիս» հյուրանոցի աճուրդը չի կայանա. Նարեկ Բաբայան
Հասարակություն
18.12.2019 | 11:29
Պետգույքի կառավարման կոմիտեի նախագահ Նարեկ Բաբայանը ֆեյսբուքյան գրառմամբ տեղեկացրել է, որ «Գոլդեն Փելիս» հյուրանոցի աճուրդը չի կայանա, քանի որ որևէ մեկը գնման հայտ չի ներկայացրել:
«Հարգելի լսարան
Այսօր նախատեսված Գոլդեն Փելիս հյուրանոցի աճուրդը չի կայանա, քանի որ մինչև վերջնաժամկետի լրանալը (երեկ 18:00) հայտ չի գրանցվել։ Սրանից հետևում է, որ հաջորդ փուլում աճուրդի մեկնարկային գինը կլինի 5%-ով նվազ, իսկ ամսաթվի մասին լրացուցիչ կտեղեկացնենք»,- գրել է Բաբայանը:
Հիշեցնենք, որ «Գոլդեն Փելիս» Հյուրանոց» ՍՊԸ-ի գլխավոր տնօրեն, մաքսային կոմիտեի նախկին ղեկավար Արմեն Ավետիսյանը ՀՀ Կոտայքի մարզի, Ծաղկաձոր քաղաքի Տանձաղբյուրի փողոց թիվ 34/1 հասցեում գտնվող «Գոլդեն Փելիս» հյուրանոցային համալիրի շենք շինությունները և հյուրանոցի ներսում առկա շարժական գույքը նվիրել էր Հայաստանի Հանրապետությանը:
Նշենք նաև, որ 19758 ք/մ մակերեսով շենք-շինությունները, 1.38 հա հողամասը, ինչպես նաև 3257 միավոր շարժական գույքի մեկնարկային գինը սահմանված է 7 526 457 800 ՀՀ դրամ։
