02.02.2026 | 15:02
Դպրոցներից բռնության և դրամահավաքի մասին բողոքներ են ստացվել // ՌԴ ՊՆ-ն առաջխաղացման մասին է հայտնել․ ԼՈՒՐԵՐ
Ադրբեջանական ԶՈՒ-ն կրակ է բացել Տավուշի մարզի որոշ հատվածներում. կիրառվել են տարբեր տրամաչափի հրաձգային զենքեր, գնդացիրներ. ՏԵՍԱՆՅՈՒԹ
Քաղաքականություն
18.12.2019 | 07:56
ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան գրառմամբ տեղեկացրել է , որ կեսգիշերին ադրբեջանական ԶՈւ-ն շարունակել է կրակել ՀՀ Տավուշի մարզում:
«Երեկ կեսգիշերին մոտ ադրբեջանական ԶՈւ-ն շարունակել է կրակել ՀՀ Տավուշի մարզի նշված հատվածներում։ ՀՀ ԶՈւ-ի պատասխան կրակից հետո միայն դադարել են գործողությունները։
Կիրառվել են տարբեր տրամաչափի հրաձգային զենքեր, գնդացիրներ»,- գրել է նա:
Հիշեցնենք, որ ավելի վաղ Բաղանիս համայնքի ղեկավար Նարեկ Սահակյանը Factor.am-ին հայտնել էր, որ ադրբեջանական կողմը խոշոր տրամաչափի զինատեսակներից ինտենսիվ կրակ է բացել Բաղանիսի, այնուհետև՝ Հայաստանից Վրաստան տանող միջպետական ճանապարհի ուղղությամբ: Միջպետական ճանապարհը կարճ ժամանակով փակվել է, ավտոմեքենաներն ընթացել են շրջանցիկ ճանապարհով: «Հիմա իրավիճակը հանդարտ է, միջպետական ճանապարհն արդեն բաց է»,- հայտնել էր Նարեկ Սահակյանը:
