16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«ՊՊԾ-ն է որոշել իր գործառույթի շրջանակում». վարչապետի խոսնակը՝ Փաշինյանի աղջկա պահպանության համար գնված մեքենայի մասին
17.12.2019 | 23:11
Վարչապետ Նիկոլ Փաշինյանի աղջկա՝ Մարիամի անվտանգությունն ապահովող նոր մեքենան կրկին քննարկման թեմա է դարձել, այն կոնտեքստում, որ դա «շռայլ ծախս է պետության հաշվին՝ մինչդեռ Մարիամը պետական պաշտոնյա չէ»: Առաջին անգամ այս թեման քննարկվել էր սեպտեմբերին, երբ Ռոբերտ Քոչարյանի աջակից Նարեկ Սամսոնյանը լուսանկարել էր մեքենան և Մարիամին:
Factor.am-ի հետ զրույցում վարչապետի խոսնակ Վլադիմիր Կարապետյանը հորդորեց այդ հարցով դիմել Պետական պահպանության ծառայություն:
«Այդ հարցերը՝ անվտանգության, պահպանության օրենքով սահմանվում են: ՊՊԾ-ն ինքն է որոշում՝ անվտանգությունը ոնց է իրականացնում և ինչ միջոցներով, ինչ սահմաններում, և ըստ այդմ՝ համապատասխան քայլերի է դիմում: ՊՊԾ-ն է որոշել՝ իր գործառույթների շրջանակում, քանի որ ՊՊԾ-ն իրագործում է ընտանիքի պահպանությունը»,- ասաց Կարապետյանը:
Politik.am-ը գրել է, որ Պետական պահպանության ծառայության միջոցներով Մարիամ Փաշինյանի համար գնվել է 2019 թվականի արտադրության Nissan X Trail մակնիշի 130 uu 01 պետհամարանիշի ամենագնաց և պետությունը դրա համար ծախսել է ավելի քան 27 հազար ԱՄՆ դոլար։
Նույն կայքին վարչապետի խոսնակը պարզաբանել է. ««Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքի 6.1-րդ հոդվածի 3-րդ մասի համաձայն «Վարչապետի պաշտոնավարման ժամանակահատվածում պետական պահպանություն տրամադրվում է նաև նրա հետ համատեղ բնակվող, ինչպես նաև նրան ուղեկցող ընտանիքի անդամներին»:
Ուստի՝ Կարապետյանի խոսքով` անհրաժեշտության դեպքում պետական պահպանության ծառայությունն օրինական կարգով կարող է ձեռք բերել նաև տրանսպորտային միջոցներ:
