03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Զելենսկին՝ Ադրբեջանի տարածքային ամբողջականությունը սատարելու և Բաքվի հետ ռազմավարական հարաբերությունների մասին
Քաղաքականություն
17.12.2019 | 16:11
Ուկրաինան և Ադրբեջանը սատարում են միմյանց «ինքնիշխանության և տարածքային ամբողջականության վերականգնման հարցերում»: Unn-ի թղթակցի փոխանցմամբ՝ այս մասին Բաքվում հայտարարել է Ուկրաինայի նախագահ Վլադիմիր Զելենսկին ադրբեջանցի գործընկեր Իլհամ Ալիևի հետ համատեղ ճեպազրույցում:
«Այսօրվա զրույցի կարևոր թեման տարածաշրջանային և ազգային անվտանգության ապահովումն էր: Առաջին հերթին՝ խոսքը Արևելյան Ուկրաինայում և պատերազմի և Լեռնային Ղարաբաղի հակամարտության մասին է: Մենք մշտապես սատարում ենք միմյանց մեր պետությունների ինքնիշխանության և տարածքային ամբողջականության վերականգնման հարցերում՝ միջազգայնորեն ճանաչված սահմանների շրջանակում»,- ասել է Զելենսկին:
Նրա խոսքով՝ Ուկրաինան և Ադրբեջանը շարունակում են համատեղ աշխատանքն այդ ուղղությամբ ինչպես երկկողմ ձևաչափով, այնպես էլ միջազգային հարթակներում:
«Այս ամենը հաստատում է մեր հարաբերությունների ռազմավարական բնույթը, մեր պետությունները սերտ դիրքորոշում ունեն բազմաթիվ հարցերում՝ ինչպես տարածաշրջանային, այնպես էլ գլոբալ մակարդակում»,- հավելել է Ուկրանիայի նախագահը:
