22.02.2026 | 18:55
Ահազանգ է ստացվել, որ Արմավիրում գտնվող կահույքի արտադրամասում հրդեհ է բռնկվել․ ՆԳՆ
«Հանրապետություն» կուսակցությունը նիստ կգումարի, կքննարկի ավագանու «Լույս» դաշինքի շուրջ ստեղծված իրավիճակը
Քաղաքականություն
17.12.2019 | 14:22
Ազգային ժողովում այսօր հրավիրված ասուլիսի ժամանակ «Լուսավոր Հայաստան» խմբակցության ղեկավար Էդմոն Մարուքյանը Երևանի ավագանուց իրենց կուսակցության ադամին հետ կանչելու վերաբերյալ նշեց, որ իրենց այդ որոշումը պայմանավորված է այն հանգամանքով, որ Խաժակյանը «Լուսավոր Հայաստան» կուսակցությունից միակ ներկայացուցիչն է ավագանիում և հաճախ չի կարողանում վերահսկել «Լույս» դաշինքի իր գործընկերների՝ Թեհմինա Վարդանյանի և Անի Խաչատրյանի գործողությունները, մինչդեռ դրանց համար պատասխան է կրում։
«Լուսավոր Հայաստան» խմբակցության պատգամավոր Մանե Թանդիլյանն էլ հավելել էր, որ ավագանիում բովանդակային քննադատությունն այլևս «Լույս» խմբակցության համար բովանդակային ուղղություն չէ:
Կատարվածի վերաբերյալ Factor.am-ը մեկնաբանություն խնդրեց Երևանի ավագանու «Լույս» խմբակցության անդամ Անի Խաչատրյանից, սակայն վերջինս որևէ մեկնաբանություն չներկայացրեց։
«Այսօր՝ ժամը 16։00-ին, «Հանրապետություն» կուսակցությունը նիստ կգումարի, որի ժամանակ կքննարկվի նաև այս հարցը։ Բոլոր հարցերին կպատասխանենք նիստից հետո»,- տեղեկացրեց Անի Խաչատրյանը։
