17.11.2024 | 22:46
Փաշինյանը մեկնում է Վատիկան, հանդիպելու է Հռոմի Պապին
Երբ քաղաքապետը ձեռ է առնում ավագանու անդամներին, պրովոկացիային տրվողն էլ է մեղավոր. էդմոն Մարուքյան. ՏԵՍԱՆՅՈՒԹ
Քաղաքականություն
17.12.2019 | 13:55
Երբ քաղաքապետը պրովոկացիա է անում, ծիծաղում է, ձեռ է առնում ավագանու անդամներին նրանց ելույթների ժամանակ, և մարդիկ էմոցիոնալ իրավիճակներում տրվում են պրովոկացիային, պրովոկացիային տրվողը պետք է նաև իրեն հաշիվ տա: Այսօր հրավիրված ասուլիսում այս մասին ասաց ԼՀԿ ղեկավար Էդմոն Մարուքյանը:
«Հիմա այստեղ խորհրդարանում էլ կարող է Միրզոյանը, Սիմոնյանը կամ այլ մեկը պրովոկացիա անի, որ ես այնպիսի բան անեմ, որ, օրինակ, այլևս իմ գործունեությունն անիմաստ դառնա այս խորհրդարանում: Ես պետք է տրվե՞մ այդ պրովոկացիային, ինչ կարծիքի եք»,- հավելեց նա:
Մարուքյանը կարծում է, որ մեդիա հանրույթը պետք է գնահատականն ու վերաբերմունքը տեղի ունեցածի վերաբերյալ. «Երբ քաղաքապետը, օրինակ, ծիծաղում էր մարդու ելույթի վրա, մի հատ կամերա ցույց տվե՞ց իրեն ծիծաղելուց: Ոչ մի կամերա ցույց չի տվել: Այսօր թրենդը դա է, որ թիրախավորվեն ավագանու անդամները և սրբադասվեն իշխանության ներկայացուցիչները»:
Նշենք, որ «Լուսավոր Հայաստան»-ն այսօր քննարկում էր ավագանու «Լույս» խմբակցության ղեկավար Դավիթ Խաժակյանի հետագա պաշտոնավարման նպատակահարմարությունը. Խաժակյանը ԼՀԿ անդամ է, իսկ խմբակցության մյուս երկու անդամները՝ «Հանրապետություն» կուսակցության:
Մանրամասները՝ տեսանյութում:
