27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Վրաստանում ընդդիմադիր կուսակցության առաջնորդներից Գիգի Ուգուլավային մեղադրանք է առաջադրվել
Քաղաքականություն
12.12.2019 | 11:27
Վրաստանում ընդդիմադիր «Եվրոպական Վրաստան» կուսակցության առաջնորդներից Գիգի Ուգուլավային մեղադրանք է առաջադրվել: Ընդդիմադիր գործիչը մեղադրվում է քաղաքացուն ծեծի ենթարկելու մեջ: Հետաքննությունն ընթանում է Վրաստանի քրեական օրենսգրքի 126-րդ և 120-րդ հոդվածների հատկանիշերով, ինչը ենթադրում է տնային կալանք 6 ամսով կամ 120-180 ժամ հանրության համար օգտակար աշխատանքով. գրում է aliq.ge-ն:
Ուգուլավան մինչ այդ հայտարարել էր, որ իր և կուսակցության մեկ այլ առաջնորդ Գոկա Գաբաշվիլիի վրա հարձակվել են օդանավակայանում: Հարձակվողները սպորտսմեններ են եղել:
«Ուղղակի հրաշք է: Ոստիկանությունը եկավ իմ տուն և մեղադրանք առաջադրեց 126-րդ հոդվածի հատկանիշներով (մարդ ծեծել): Ինչ որ Բադրի Գավաշելիշվիլի է, ասում է` իբր ես նրան ծեծել եմ: Ձյուդոյի աշխարհի չեմպիոն է: Պարզվում է` ես ձյուդոյիստի եմ ծեծել»,- ֆեյսբուքյան իր էջում գրել է Ուգուլավան:
