02.02.2026 | 12:51
ՊՆ վարչական համալիրում դիմավորել են պաշտոնական այցով ՀՀ ժամանած Հնդկաստանի ԶՈՒ պաշտպանության շտաբի պետին
Դեկտեմբերի 12-ին կրկին Վրաստանի խորհրդարանի մուտքերի արգելափակում է նախատեսվում
Քաղաքականություն
10.12.2019 | 11:42
Դեկտեմբերի 12-ին Վրաստանի խորհրդարանի օրակարգում գերագույն դատարանի անժամկետ դատավորների ընտրության հարցն է լինելու. տեղեկացնում է aliq.ge-ն: Ընդդիմությունը հերթական հանդիպումից հետո հայտարարել է, որ նախատեսում է դեկտեմբերի 12-ին արգելափակել խորհրդարանի մուտքերը:
«Մենք որոշում ենք կայացրել արգելափակել խորհրդարանի մուտքերը: Միևնույն ժամանակ մեր պատգամավորներից որոշները կփորձեն ներսից անել ամեն ինչ, որպեսզի այս գործընթացը որևէ կերպ դադարեցվի»,- հայտարարել է ընդդիմության առաջնորդներից Գիգի Ուգուլավան:
Խորհրդարանի անկախ պատգամավոր Էկա Բեսելիայի խոսքերով, այս քվեարկության ժամանակ ժողովուրդը պետք է առավելագույնը մոբիլիզացված լինի և հավաքվի խորհրդարանի դիմաց:
Հիշեցնենք, ընդդիմությունը երկու անգամ արգելափակեց խորհրդարանի մուտքերը, փորձելով խանգարել նիստերը: Երկու դեպքում էլ իշխանությունը հատուկ միջոցներ կիրառելով ցրեց ցուցարարներին:
