10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Նիկոլ Փաշինյանը Սպիտակ քաղաքում հարգանքի տուրք մատուցեց երկրաշարժի զոհերի հիշատակին. ՏԵՍԱՆՅՈՒԹ
Տեսանյութեր
07.12.2019 | 12:10
Վարչապետ Նիկոլ Փաշինյանն այսօր Սպիտակ քաղաքում հարգանքի տուրք մատուցեց 1988 թվականի երկրաշարժի զոհերի հիշատակին։
Վարչապետը նախ ծաղիկներ խոնարհեց զոհերի հիշատակը հավերժացնող հուշարձանին, ապա մասնակցեց Քըրք Քըրքորյանի կիսանդրու բացման արարողությանը։
Հավաքված էին հարյուրավոր սպիտակցիներ։ Նիկոլ Փաշինյանը հանրային խոսքով հանդես չեկավ։ Օրերս վարչապետը հայտարարել էր, որ 2020 թվականի պետական բյուջեով աննախադեպ մեծ գումար է տրամադրվել աղետի գոտու խնդիրներին՝ 3 մլրդ դրամ։ Պետությունը գումար կամ բնակարան կհատկացնի այն քաղաքացիներին, որոնց նկատմամբ պարտավորությունը դե յուրե արձանագրված է։
Ազգային ժողովում՝ բյուջեի նախագծի վերջնական քննարկման ժամանակ, իր եզրափակիչ ելույթում այս մասին հայտարարեց ՀՀ վարչապետ Նիկոլ Փաշինյանը:
«Սա նշանակում է, որ աղետի գոտու վերականգնման գործընթացում նոր փուլ է սկսվում, որը պիտի իրագործվի լրիվ այլ տրամաբանությամբ, և այդ փուլի իմաստը սոցիալական արտակարգ իրավիճակի տրամաբանությունը վերափոխելն է զարգացման տրամաբանության։ Մենք աղետի գոտում պետք է խոսենք ոչ միայն սոցիալական հրատապ խնդիրներ լուծելու, այլև զարգացման երկարատև տեսլականներ և ռազմավարություններ իրագործելու մասին»,- ասել է վարչապետը։
Հայաստանի պատմության ամենից դաժան ողբերգություններից է 1988 թվականի դեկտեմբերի 7-ին գրանցված երկրաշարժը։ Հայաստանի հյուսիսային շրջանները այդ օրը ժամը 11։41-ին ցնցվեցին ավերիչ երկրաշարժից, որը էպիկենտրոնի անունով կոչվեց Սպիտակի երկարաշարժ։ Պաշտոնական տվյալներով 25 հազար մարդ է մահացել։
Մանրամասները՝ տեսանյութում:
