Քաղաքականություն
13.10.2017 | 10:45
Իսրայելի վարչապետ Բենյամին Նեթանյահուն կարծում է, որ ՅՈՒՆԵՍԿՕ-ն «աբսուրդի թատրոն» է դարձել. փոխանցում է korrespondent.net-ը:
Իսրայելի իշխանությունները ԱՄՆ-ի օրինակին հետևելով որոշում են կայացրել լքել ՅՈՒՆԵՍԿՕ-ն:
Նեթանյահուն հրահանգել է երկրի ԱԳՆ-ին նախապատրաստել երկրի հեռանալը Կրթության, գիտության և մշակույթի հարցերով Միավորված ազգերի կազմակերպությունից (ՅՈՒՆԵՍԿՕ)՝ ԱՄՆ-ի հետ միաժամանակ։
Նեթանյահուի խոսքով՝ ԱՄՆ-ի՝ ՅՈՒՆԵՍԿՕ-ից դուրս գալու որոշումը «համարձակ էր և բարոյական»:
Հիշեցնենք, որ կազմակերպությունը լքելիս ԱՄՆ Պետդեպը, որպես պատճառ նշել էր նաև ՅՈՒՆԵՍԿՕ-ում շարունակվող հակահրեական կանխակալ մոտեցման հետ կապված իր մտահոգությունը:
