02.07.2026 | 17:23
Նիկոլ Փաշինյանի ճեպազրույցը՝ ՈՒՂԻՂ
Հիվանդ մարդուն բանակ զորակոչելու դեպքեր եղել են․ Գաբրիել Բալայան. ՏԵՍԱՆՅՈՒԹ
Հասարակություն
06.12.2019 | 16:08
Ազգային ժողովում «Բարգավաճ Հայաստան» խմբակցության պատգամավոր Միքայել Մելքումյանը հետաքրքրվեց, թե հիվանդ մարդուն բանակ զորակոչելու դեպքեր եղե՞լ են։
«Եղել են դեպքեր, որ մարդիկ, որոնք տառապում են տարբեր հիվանդություններով, զորակոչվել են բանակ, հետո ինչ-որ պրոբլեմներ են առաջացել ու նոր հայտնաբերվել է, որ այդ անձը չպետք է գնար ծառայելու։ Եվ հանձնաժողովները, որոնք որ քննարկում են, պատասխանատվություն կրե՞լ են հիվանդ մարդուն բանակ զորակոչելու առումով»,- դիմելով ՀՀ պաշտպանության նախարարի տեղակալ Գաբրիել Բալայանին՝ հարցրեց Մելքումյանը։
Բալայանը դրական պատասխան տվեց։ «Այո՛, միանշանակ, նման դեպքեր եղել են, բազմաթիվ քրեական գործեր կան և դատապարտված անձինք կան, որոնք հիմա պատիժը կրում են»,- նշեց Բալայանը։
Հիշեցնենք, որ Ազգային ժողովում քննարկվում է Կառավարության կողմից ներկայացված ՀՀ զինված ուժերի կարգապահական կանոնագիրք ՀՀ օրենքում փոփոխություններ և լրացումներ կատարելու մասին օրենքի նախագիծը։
