02.04.2026 | 21:16
«Գազպրոմը» հայտարարել է, թե Ռուսաստանում «Թուրքական հոսք» գազատարի վրա ԱԹՍ-ի հարձակումը հետ է մղվել
«Այն գումարով, որով պետք է տոնեինք մեր ռադիոկայանի 25-ամյակը, կպատվիրենք ոռոգման նախագիծ»․Ա․ Թարխանյան. ՏԵՍԱՆՅՈՒԹ
05.12.2019 | 17:22
Որոշեցինք, որ այն գումարով, որով պետք է տոնեինք մեր ռադիոկայանի 25-ամյակը, կպատվիրենք նախագիծ, որի շրջանակում կիրականացվի 125 հա տարածքի ոռոգում և կանաչապատում։ Այս մասին այսօր՝ «FM 105.5 ռադիոկայանի 25-ամյակ․ Երևան քաղաքին նվիրված ծրագիր-նախագծի ներկայացում» թեմայով ասուլիսի ընթացքում նշեց FM 105.5 ռադիոկայանի հիմնադիր Անահիտ Թարխանյանը։
«Հասկացանք, որ պետք է անել մի ծրագիր, որը կարևոր ու հիշվող կդառնա երևանցիների համար։ Ծրագիրը կոչեցինք «5 x 25», որը հավասար է 125-ի։ 5-ը՝ դեկտեմբերի 5-ն է, 25-ը՝ մեր ռադիոկայանի 25-ամյակը, իսկ 125-ը՝ 125 հա տարածքը։ Դա այն տարածքն է, որն այս տարիների ընթացքում մատնվել է մոռացության։ Այս ամառ տեսանք, թե ինչպիսի հետևանքներ է դա ունեցել։ Խոսքը Ցեղասպանության հուշարձանի հարակից տարածքի մասին է։ Նախագծի պատրաստ լինելուց հետո, փետրվարի կամ մարտի 5-ին կներկայացնենք ծրագիրը, որից հետո պարզ կլինի՝ որքան գումար է պետք ներդնել, որպեսզի ամբողջ զբոսայգին վերականգնվի։ Առանձին մարդիկ չեն կարողանա դա անել, բայց մենք համոզված ենք, որ կազմակերպելով գրաունդֆանդինգ, կստացվի։ Առաջին գումարն էլ՝ կապված նախագծի և ծրագրի մշակման հետ, այսօր դնում է մեր ռադիոկայանը»,- ասաց Թարխանյանը։
Մանրամասները՝ տեսանյութում։
Նելլի Մելքոնյան
